So Bar (已結業)

今次同朋友嚟到呢一间非常浪漫又有格调嘅餐厅chill一chill，气氛十足，而且食物非常高质，真系好适合同三五自己/伴侣一齐进餐 & 饮野！仲可以选择坐出边或者入边嘅座位，一样咁舒适！奶油虾意粉以奶油忌廉白汁底为酱料，是一个充满奶香各芝士香嘅意粉，入口非常creamy，而且意粉口感爽滑，软硬适中，再加配埋蒜香香煎大虾，更加美味，香煎虾入口非常弹牙，整个意粉嘅味道都非常有层次感，赞！烧鳗鱼散发住浓浓的香气，而且鳗鱼非常肥美，肉质嫩滑，可见餐厅精心选用食材去制作。香蕉朱古力芭菲超有心思又有卖相嘅芭菲甜品！焦糖香蕉经过轻微烧焦之后，味道格外香甜，再配上云呢拿雪糕，非常美味。仲有香滑嘅奶油，成个甜品都好有层次感，好正！Peachy sex一种水蜜桃口味的酒，亦都融合咗大量果汁，果香味扑鼻，入口香甜，女士们必爱！Disillusioned系一款满有层次感嘅cocktail，店员建议先食cocktail上嘅梳打饼，后饮cocktail。
梳打饼上有红豆蓉， 而cocktail以Gin为底，刚入口会有淡淡乌龙茶味，后者系香气扑鼻嘅酒味。