圍爐順德菜

营业中

休息中

从舞友口中得知铜锣湾一幢食厦内有家「围炉顺德菜」为庆祝开业一周年，五、六月期间免费送赠指定招牌菜回馈顾客，六人以上更可享用全只鸡鸡，大食会听闻当然系立即相约一试啦！于网上登记后所获取之「招牌名菜品尝券」上清楚列出各大小项条款，包括必需预先订座、最低消费额、有效日期等，非常详尽。步出䢂门，已见墙身贴出有关大厨卢师傅嘅来历及其拿手菜，估计店名中之「炉」字正取自主厨姓氏之谐音。中菜厅占用面积全层，正门嘅拱门设计应该系风水阵。墙上嘅书法题字简单到题。用餐大堂楼底高高，十分开扬，十六楼仲有靓景睇。内侧原来间咗间可容纳上十二人嘅厢房，经理Money姐姐话最低消费为$500/位，但绝对有商量嘅余地，好客且具变通能力，赞！每位席上都摆有齐备嘅自用及公用餐具。多页餐牌可于网上参阅，方便大家订位时可顺便定埋菜单。<https://well-lo-shunde-cuisine.com/signature/>香口椒盐鲜鱿（$148）：因深觉$100/樽嘅开瓶费相当合理，长辈们决定自己带酒，就连饭前嘅欢乐时光都唔谂地方转场，一于直落搞掂！送酒点咗两款小食，其中椒盐鲜鱿败笔在于层炸浆过厚且唔够脆。