發哥粥底海鮮火鍋 (已結業)

原来大围显径村里面嘅酒楼都有打边炉，仲要系粥底海鲜火锅。餐牌有几款主打海鲜，包括龙虾、蟹，我哋就每人拣咗一款。上到嚟你会见到佢嘅海鲜系好新鲜，特别本身可以选择新鲜或者冰镇鲍鱼，我哋拣咗嘅新鲜鲍鱼上到嚟仲系郁下郁下，其他海鲜包括有扇贝、蚬、海虾、圣子、蚌等等，种类繁多而且非常丰富。食海鲜之前有两款前菜有青瓜花生，仲有一份炖汤味道清甜。仲可以拣多八款唔同嘅食物配料，有几十款可以选择。我就比较推介豚肉，味道比较香，随自己钟意拣选就可以，基本上一定都会好饱㗎！食到最后当然要食粥，已经吸收晒海鲜嘅鲜味，食到超饱，仲可以系咁饮竹茅根添！