影片
更多
2011-07-03
41 浏览
天气好胃口特别好！３点３，今日又去华兰路揾食！行过见到呢间＂男女煮角＂Ｄ餐几岩心水，个名几生鬼，望入去食客唔多兼有卡位；好，一于入去做下＂煮角＂先！餐厅内地方算阔落，店员服务都ＯＫ，食物和饮品种类够多选择，而且不乏几有创意和一般茶餐厅少见的种类，例如：黑糖忌廉咖啡、松露菌鸡茸奄列、爱尔兰威士忌咖啡、自家煲灯芯花意米水！仲有呀，呢度有雪糕香蕉船等甜品食架！ 脆皮奶油猪＋黑糖忌廉咖啡（$20）金黄色，闪闪令！个包热辣辣，外脆内软。炼奶同牛油份量刚刚好！杯黑糖忌廉咖啡，听个名好吸引，忍唔住一试！整体上咖啡虽然香浓，但幻滑度就差ＤＤ，而且饮唔出忌廉与咖啡的化学作用！另外，黑糖系按自己需要和口味而自己落，悉随尊便！ 金鱼尾海虾云吞面＋冻奶茶（$28+冻饮$3）半打大大粒鲜虾云吞＋生面，两样都爽口弹牙，好味！Ｄ云吞皮薄馅多，师傅包到个尾真系好似金鱼尾咁！另外，个汤底好似鱼汤咁，呈奶白色！ 瑞士鸡翼波蛋捞一丁＋黑糖忌廉咖啡（$32）有３只瑞士鸡中翼＋波蛋（即系半熟蛋）＋捞丁！大大碟, 鸡翼几入味，而个捞丁份量都ＯＫ（冇因为系tea time而将份量减少）！呢个餐成个面Ｄ汁都系用瑞士汁，略嫌同一丁唔太
天气好胃口特别好！３点３，今日又去华兰路揾食！行过见到呢间＂男女煮角＂Ｄ餐几岩心水，个名几生鬼，望入去食客唔多兼有卡位；好，一于入去做下＂煮角＂先！
餐厅内地方算阔落，店员服务都ＯＫ，食物和饮品种类够多选择，而且不乏几有创意和一般茶餐厅少见的种类，例如：黑糖忌廉咖啡、松露菌鸡茸奄列、爱尔兰威士忌咖啡、自家煲灯芯花意米水！仲有呀，呢度有雪糕香蕉船等甜品食架！
脆皮奶油猪＋黑糖忌廉咖啡（$20）
金黄色，闪闪令！个包热辣辣，外脆内软。炼奶同牛油份量刚刚好！
杯黑糖忌廉咖啡，听个名好吸引，忍唔住一试！整体上咖啡虽然香浓，但幻滑度就差ＤＤ，而且饮唔出忌廉与咖啡的化学作用！另外，黑糖系按自己需要和口味而自己落，悉随尊便！
金鱼尾海虾云吞面＋冻奶茶（$28+冻饮$3）
半打大大粒鲜虾云吞＋生面，两样都爽口弹牙，好味！Ｄ云吞皮薄馅多，师傅包到个尾真系好似金鱼尾咁！另外，个汤底好似鱼汤咁，呈奶白色！
瑞士鸡翼波蛋捞一丁＋黑糖忌廉咖啡（$32）
有３只瑞士鸡中翼＋波蛋（即系半熟蛋）＋捞丁！大大碟, 鸡翼几入味，而个捞丁份量都ＯＫ（冇因为系tea time而将份量减少）！呢个餐成个面Ｄ汁都系用瑞士汁，略嫌同一丁唔太夹，色水好够但并未被Ｄ面所吸收，所以食落好似冇乜味道咁！
张贴
