Kuro Shabu (已結業)

点左一个standard set同Omakase set，所以都试左好多款牛、黑豚同黑鸡。重点讲牛，首先有A4黑毛和牛上肩胛肉、牛肩肉、足外则肉，另外仲有师傅精选唔同部位既A4和牛，油花分布靓，一块一块云石纹咁，肉色鲜红嫩口，牛肉味浓，好食！滚3秒就食得，鲜嫩刚刚好，千奇唔好滚太耐浪费左。跟著就系期待已久的A5和牛上肩胛肉、西冷、肋肉眼，A5和牛呈粉红色，相对脂肪含量比A4高，但无疑A5比A4更入口即溶，令人回味无穷！跟餐既蔬菜篮都好丰富，有啡菇、金菇、白萝卜、皇帝菜、娃娃菜、豆腐、薯粉等，其实食完碗菜都饱饱地，呢餐可以话系大满足！