湖舟壽司‧小料理 (已結業)

朋友生日，再黎一次湖舟。事隔差唔多一个月，打开menu，居然加左价。日本食材真系愈黎愈贵，不过除左有坏消息都有好消息，就系有秋刀鱼同コシナガマグロ（腰长吞拿鱼）食。（应该上次寿司特上入面的拖罗已经系腰长）腰长吞拿鱼真系好少见，而且好少人识食。近年食日本菜真系有感蓝鳍吞拿鱼会绝种的危机。虽然有好多料理选择，最后都系叫左一份寿司定食($215)。寿司定食同寿司特上都有10件寿司同一条小卷（不能自选）。白身鱼有5件之多，除左左下油甘之外其他都唔识分。另外仲有2件秋刀，一件手握一件棒寿司；一件三文鱼；一件拖罗同一件海胆。其实我觉得今次白色鱼的比例太多了，虽然每件的鱼都唔同，但比起上次特上用的料真系差太远，而且山葵好似有少少不对劲。海胆同拖罗用的料同上次都一样，三文鱼系厚切，算系唔错。秋刀鱼有2件，一件系腌过的，味道超浓郁；一件手握，可以食到秋刀本身的鱼味，算系最大惊喜。其实今餐真系有少少失望，期望实在太高。可能上次的寿司特上实在太好，今次寿司定食真系比下去。前菜，渍物同味噌汤同上次一样出色，服务真系值得一赞，因为每个侍者的态度都非常好同十分有礼貌。希望有机会可以再试下其他料理。