OZONE

营业中

休息中

要讲风景靓嘅酒店，其中一间最能居高临下睇尽维港美景嘅就系Ritz Carlton酒店。位于酒店嘅118楼，号称全世界最高嘅酒吧，酒吧有环回270度嘅维港靓景，楼层极高，系酒店咁多间餐厅入边睇风景最好嘅。餐厅有室内同室外两部份，如果要讲景观就当然要坐室外，七月中天气好热，但可能又位于高层通风好好，所以就算阳光普照嘅夏天，坐喺度都唔会觉得好热。118楼corner位嘅风景，绝对比得上$5000一晚嘅酒店套房。我哋选择左望向太平山方向嘅维港同汲水门方向嘅位置，打卡影相都好靓。餐牌好有特色，其中以五行创作左金木水火土五款鸡尾酒，餐牌亦都用咗五款唔同材质。由于我本身属饿金命，所以我冇睇到未到就选择左metal。味道都唔错。另外小食我哋叫咗爆谷鸡，味道不过不失，不过嚟呢一度其实主要都系食靓景啦。