GARIGUETTE

营业中

休息中

日本东京过江龙既千层酥，有大、细、mini三个size，大pie仲可以拣双拼口味，一次满足两个愿望。打包既盒都几靓，送礼都岩。⭐️原味士多啤梨(细) $76两块千层酥夹住吉士忌廉同士多啤梨片，份量都系满满既。酥皮口感酥脆，配埋士多啤梨吉士忌廉味道酸酸甜甜，整体唔会好甜。⭐️开心果忌廉覆盘子(细) $69身为开心果控一定唔会放过有开心果味既甜品，千层酥夹住开心果吉士忌廉，开心果碎加上红莓果类既果肉同酱，酸度比起士多啤梨既高，呢款岩钟意酸酸地既朋友仔，而开心果碎亦增加口感。⭐️柠檬mini pie $38千层酥夹住柠檬吉士忌廉同柠檬丝，柠檬味几出，酸酸地带少少柠檬皮既涩，感觉几清新特别。⭐️提拉米苏mini pie $42千层酥夹住咖啡味吉士忌廉同可可粉，咖啡味道浓郁，满满既忌廉好邪恶，完全系食紧口感丰富 版既Tiramisu。