友記甜品 (已結業)

一日同男友系荃新天地食完野，之后走去路德围食甜品，松记成日食，就走去旁边个间友记，见佢岩岩开位系出面就坐低了。男友唔食，我一个人就点左个栗子蓉焗布甸，等等等...等左一段时间终于都黎了！未食之前望一望，可以好肯定系放左一段时间再拎去叮，表面干争争的...好！唔理，立即动手去消灭佢！匙羹按下去，已经见到好多西米，食食食，啖啖都系西米，我谂比例大约系西米70%,栗子蓉(系粒！)10%, 蛋浆20%，入面都系干的，冇乜水份，栗子蓉系粒状，微微硬又冇栗子味...依盅野唯一一个优点系比其他甜品店都大，但大而不精，完全唔好食！我食野一向都唔浪费，但食晒佢都有点点难受...总括黎讲，我地以后唔会再去食...其实卖得咁贵，又落咁多西米减成本，简直系赶客！我以前都有做过糖水店既店员，甜品味道质素本身系唔差的，但老板因减成本而将西米大量加入杨枝甘露，过左冇几耐，糖水舖最终挨唔住结业，当然系有好多因素，但个人认为加西米减成本做法系行唔通！