座銀

营业中

休息中

刚开业初期已经光顾，当时只有跑马地一间小店。直到现在中环已开设分店，没想到还是要排队。夜晚8点来到，前面有4人在排，所以等咗大约5分钟就可以入座。鸡沾面 $148每次来嘅时候都系食鸡白汤拉面，所以今次就试吓个沾面。一上枱嘅时候已经见到个沾面好白好Rich。沾面跟嘅牛蒡比汤拉面嘅少，两者拉面底都有分别，沾面系比较粗同扁身。第一啖开始食嘅时候完全有惊喜！！ 汤底系比平时汤拉面浓一倍以上，浓而不腻又Creamy。拉面又有嚼口烟烟靭靭，软硬情度刚刚好！成碗嘅份量系一定足够一位壮男食用汤汁都好挂面，唔会一沾完啲汤汁就流返晒落去，啖啖都食到浓郁嘅沾面。汤汁食到差唔多一半先发现，原来唔单止有汤，仲有笋干、鸡肉同洋葱，开心大发现嘅感觉。汤汁入边嘅鸡肉同本身跟嘅鸡肉唔同，碗中嘅系白色碎块鸡肉，已经索哂汤汁而且好嫩滑！个人更喜欢呢款鸡肉 唯一美中不足嘅系沾面汤做法不是热辣辣，不知原因为何？ 不过浓郁厚实嘅汤加咁有嚼口嘅面已经值回票价！