影片
更多
2020-11-08
1909 浏览
呢间有杜生既加持就点都要黎试下，因为佢系《米芝连指南香港澳门》推介加米猪连既关系，所以真系非常之受欢迎，去之前呢就一定要记得记得记得上佢既官网book位，我地都预早左超过一个月去book呢张枱，黎到既时候都见到有啲人想walk in入黎，但都被拒诸门外。Handmade Tagliolini Carbonara正所谓越简单既野要整得好食就越难，而呢个Carbonara就真系令我地留下左好深刻既印象。呢个Carbonara非常正宗，个汁creamy得黎带有非常浓厚嘅蛋黄味，同普通系出面食到偏向忌帘味嘅Carbonara好唔同，所以佢嘅颜色亦都非常金黄。面头嘅烟肉粒直头系画龙点精，咸香味十足，招牌菜果然系唔同啲。Handmade Tagliolini with carabineros red prawn呢个手工幼面同carbonara个款系一样既，虽然价钱唔平，不过见杜生食得咁滋味又咁出名，点都要试下。呢碟pasta用上大量虾膏同番茄煮汁，每一条pasta都挂满浓稠既酱汁，食落虾味极之浓郁，而且手工做既pasta口感好弹牙，唔似一般既意粉，就算唔钟意al dente口感嘅香港人都会接受到，
Handmade Tagliolini Carbonara
正所谓越简单既野要整得好食就越难，而呢个Carbonara就真系令我地留下左好深刻既印象。呢个Carbonara非常正宗，个汁creamy得黎带有非常浓厚嘅蛋黄味，同普通系出面食到偏向忌帘味嘅Carbonara好唔同，所以佢嘅颜色亦都非常金黄。面头嘅烟肉粒直头系画龙点精，咸香味十足，招牌菜果然系唔同啲。
Handmade Tagliolini with carabineros red prawn
呢个手工幼面同carbonara个款系一样既，虽然价钱唔平，不过见杜生食得咁滋味又咁出名，点都要试下。呢碟pasta用上大量虾膏同番茄煮汁，每一条pasta都挂满浓稠既酱汁，食落虾味极之浓郁，而且手工做既pasta口感好弹牙，唔似一般既意粉，就算唔钟意al dente口感嘅香港人都会接受到，另外仲有两只好新鲜弹牙既红虾，最重要系伴碟既两只虾头，入面充满香浓既虾膏，一定要将d虾膏唧出嚟配意粉食，虾味更升华。
Seafood Soup in Sicily Style
Starter叫咗呢款海鲜汤，餐厅好贴心分开咗2碗，见到好深既橙红色就知个汤落足料，饮落海鲜味好浓，质感幼滑creamy，每碗有几粒虾同带子粒，虽然系一个几出色既汤，不过味道同红虾意粉有少少异曲同工之妙，如果order咗红虾意粉，呢个汤就可以skip喇。
人均消费：$400
推介指数（10分为满分）：9.5分
张贴
