SAKEH

营业中

休息中

老婆生日，再一次黎到sakeh，呢间可以话系我食过最好食既日式串烧，唔系讲笑亦无夸张！入店舖一刻好有仪式感劲靓，入面装修亦唔差好有日式风格。午市都系第一次食，估唔到lunch set都几抵包左好多野食，仲有special menu我叫左安格斯牛肉薄烧，老婆叫左蒲烧鳗鱼套餐。先黎汽水，估唔到仲有冰底几有诚意，唔中意太甜可以拣梳打水set黎到好靓，六宫格入面放晒前菜、饭、主食同甜品，劲兴奋老婆疯狂打卡！前菜有枝豆玉子烧，调味得岩岩好唔会太咸。牛肉薄烧好香口，肉味劲出，中间仲要包住满满香葱，食落好爽口。鳗鱼亦唔输蚀，唔会煮到淋晒，鳗鱼汁捞埋饭食停唔到口！牛舌芯同免治鸡肉棒系每一次黎都会食，牛舌肉质爽口，面头加左少少盐令到食落去既时候牛味更加香浓。免治鸡肉棒中间夹咗啲鸡软骨好有口感，捞埋中间蛋黄酱油一齐食好夹。