韓樂 (元點)

营业中

休息中

见韩乐进驻元朗新商场元点，就系试一试。但元朗呢间分店，少好多嘢食。以下点嘅餐，全部都中伏。香煎牛扒定食配珍珠饭•韩式前菜（$85）个牛肉无论系睇落定食落都系过熟！老晒柴晒！啲配菜似呢用现成夹落碗，唔似餐厅自家制，味道都唔太好食。辣八爪鱼野菜炒年糕（$67）酱汁好稀，好似平时超市买到嘅红色韩酱沟水，年糕表面完全索唔到啲汁，而且芝士都冇乜味，成件事好分开，好冇诚意。生菜伴韩式炸鸡粒（食满$158加$1）炸鸡粒好厚粉，鸡肉比例得好少，本身只系+$1，所以期望都唔大。人参鸡汤浸娃娃菜（价惠价$38）呢锅菜莫讲话人参味呀，连咸味都冇，好似食紧白烚菜。优惠价都唔值得食。果然系连锁集团，同意八的柠檬茶一模一样，都是鲜萃柠檬汁+茶，好处系去除柠檬皮的苦涩。