影片
更多
2021-07-21
481 浏览
喺天水围咁耐好多餐厅都食过啦所以今日就同小朋友嚟呢间未食过嘅天鸟居酒屋，嚟之前睇过食评全部都系舔舔脷好似好好食咁各种嘅好评都有，实测一下先，再嚟一个真实食评。平日晚上6:30都坐左差唔多一半人都算系好生意啦，落单就系用QR code自己落单嘅，我哋就嗌左三文鱼刺身、蟹子手卷、黄金鱿鱼手卷、吉列猪扒定食、烧菠萝、烧粟米，其实overall嚟讲佢所有食物份量都系偏少，唔明有人话性价比高。比较欣赏佢嘅三文鱼刺身下面系垫左冰底可以keep住个温度而且都系比较新鲜嘅另外烧粟米亦都系比较特别嘅因为佢上面个酱汁系牛油加芝士Mix咗嘅酱，啱小朋友口味，而其他食物味道质素系算正常嘅但系份量就样样都真系少啰。最后仲有1段小插曲，就系呢度系出收银埋单嘅，由于张纸已经整污糟左，我就就咁行出去讲枱号埋单，然后佢话你要攞番张单出嚟，然后无理到我，之后佢再讲无你讲𠮶个枱号，我话，但系张纸已经整污糟左，佢都系话要我攞番张纸出嚟，其实好小事，但点解一个小小嘅服务都唔俾我呢？我讲错枱号唔通你唔可以同同事确认番我坐边张枱？为何要同客人纠结要攞番张单出嚟？自助落单唔紧要，出去收银处埋单都唔紧要，但明明收咗加一，为何有问题唔可
平日晚上6:30都坐左差唔多一半人都算系好生意啦，落单就系用QR code自己落单嘅，我哋就嗌左三文鱼刺身、蟹子手卷、黄金鱿鱼手卷、吉列猪扒定食、烧菠萝、烧粟米，其实overall嚟讲佢所有食物份量都系偏少，唔明有人话性价比高。
比较欣赏佢嘅三文鱼刺身下面系垫左冰底可以keep住个温度而且都系比较新鲜嘅
另外烧粟米亦都系比较特别嘅因为佢上面个酱汁系牛油加芝士Mix咗嘅酱，啱小朋友口味，而其他食物味道质素系算正常嘅但系份量就样样都真系少啰。
最后仲有1段小插曲，就系呢度系出收银埋单嘅，由于张纸已经整污糟左，我就就咁行出去讲枱号埋单，然后佢话你要攞番张单出嚟，然后无理到我，之后佢再讲无你讲𠮶个枱号，我话，但系张纸已经整污糟左，佢都系话要我攞番张纸出嚟，其实好小事，但点解一个小小嘅服务都唔俾我呢？我讲错枱号唔通你唔可以同同事确认番我坐边张枱？为何要同客人纠结要攞番张单出嚟？自助落单唔紧要，出去收银处埋单都唔紧要，但明明收咗加一，为何有问题唔可以请同事协助？最后收银姐姐当然系沉默地黑面找钱，完。
张贴
