影片
更多
2020-03-29
294 浏览
已经帮衬咗超过一年，前身系万波（同一个舖位），基本上日日都会去饮！我敢讲走杯无论系茶定系奶盖呢间都肯定系香港顶级。我最中意饮奶盖，所以可以讲下佢嘅几款奶盖。1. 香草籽咸奶油：开国功臣，本人最爱，亦系一开始就有嘅款式。味道浓，表面有烧过嘅焦糖，咸咸甜甜，中意浓味同奶嘅人一定中意。2. 红乌龙奶盖：茶味奶盖，非常清香，冇试过饮过第二间有咁嘅配搭。如果中意饮茶嘅人强烈推荐。3. 柚子奶盖： 顾名思义，浓淡我觉得系界乎上面两款中间，奶味浓，再加淡淡柚子味，中庸之选。4. 青柠奶盖：超级fresh嘅奶盖，极之特别。少少酸，怕「漏」嘅人心选。5. Oreo奶盖：其他奶盖多数配茶，呢一款系配奶茶，浓厚朱古力味道系列。仲想提下大家，其实每款奶盖都可以配唔同茶底（红乌龙、黄金乌龙、铁观音、香水茶茉莉）、奶茶同coffee。唔一定要跟死个menu，所以其实有好多款配搭！虽然我最爱系奶盖，但其实其他饮品都系用心之作。比起其他珍珠奶茶舖，好明显感觉到系用料同制作上，走杯都系落足心机准备，而唔系坊间嘅粗制滥造。虽然我咁样好似好hard sell，但我绝对系真正嘅顾客，亦都好珍惜呢间有心经营嘅舖。事实上佢个舖位
我敢讲走杯无论系茶定系奶盖呢间都肯定系香港顶级。我最中意饮奶盖，所以可以讲下佢嘅几款奶盖。
1. 香草籽咸奶油：开国功臣，本人最爱，亦系一开始就有嘅款式。味道浓，表面有烧过嘅焦糖，咸咸甜甜，中意浓味同奶嘅人一定中意。
2. 红乌龙奶盖：茶味奶盖，非常清香，冇试过饮过第二间有咁嘅配搭。如果中意饮茶嘅人强烈推荐。
3. 柚子奶盖： 顾名思义，浓淡我觉得系界乎上面两款中间，奶味浓，再加淡淡柚子味，中庸之选。
4. 青柠奶盖：超级fresh嘅奶盖，极之特别。少少酸，怕「漏」嘅人心选。
5. Oreo奶盖：其他奶盖多数配茶，呢一款系配奶茶，浓厚朱古力味道系列。
仲想提下大家，其实每款奶盖都可以配唔同茶底（红乌龙、黄金乌龙、铁观音、香水茶茉莉）、奶茶同coffee。唔一定要跟死个menu，所以其实有好多款配搭！
虽然我最爱系奶盖，但其实其他饮品都系用心之作。比起其他珍珠奶茶舖，好明显感觉到系用料同制作上，走杯都系落足心机准备，而唔系坊间嘅粗制滥造。
虽然我咁样好似好hard sell，但我绝对系真正嘅顾客，亦都好珍惜呢间有心经营嘅舖。事实上佢个舖位系正黄金地段，由19年6月经历过抗争运动同肺炎，加上舖租一定好难顶，所以我真系好担心呢间咁高汁嘅舖会挨唔住。因为咁我决定写低第一篇食评，向大家推荐佢，我相信你地试咗一次就会明白！
张贴