長阪燒

营业中

休息中

通常食Omakase唔使2000几最少都要千六，最近见到有人介绍，呢间位于旺角嘅日式餐厅，食厨师发办只需要$500都唔使，咁就一于嚟试吓啦。呢间餐厅装修好日本风，而且位置都好够，好适合女仔嚟打卡或者嚟拍拖食饭。佢喺度最特别嘅系每一次上菜都系用块板俾你，唔怪得知叫长版烧啦。虽然佢嘅价钱好平，但系食材同中一啲都唔马虎，佢食物嘅外表好靓之余，食落都好好食。而且餐厅嘅职员都好有礼貌，估唔到唔使$500就可以有一个咁好嘅体验呀。而我觉得呢度最好食嘅就系呢个海胆，佢食落非常新鲜，感觉同日本海产市场嘅一样咁新鲜。而且佢哋嘅份量一啲都唔少，份量好充足，食落有海水嘅鲜味，感觉食呢个海胆已经回本啦。呢个前菜三点都好靓，好适合女仔打卡，另外呢个蒸蛋都好靓，佢嘅蒸蛋系放喺蛋壳𠮶度，非常特别。呢间餐厅又靓又抵食又平，唔怪得咁多客啦。