影片
更多
2014-02-03
2058 浏览
同朋友仔食团年饭，拣左呢间位于深水埗既小炒中菜馆。菜馆位于福华街近地铁站口，大大既招牌好易揾。由于时近农历年，人客都唔少，为左唔好限时我地订左八点半入座，等左一阵就有位了，不过安排座位时有点混乱哩！我地今次坐楼上，装修比我想像中豪华，系深水埗呢啲旧区黎讲算少有。最近睇报纸有介绍呢间食店，原来港视艺员罗贯峰有份投资，唔怪得有咁多明星帮衬，当晚仲见佢坐系我地隔离枱添。我地一行八人点左八个小菜，每款都水准之上，而且卖相精致，令人食指大动。先黎糖醋排骨，肉质松化，酸甜适中，稳阵之选。再黎黄金虾，一支支连壳中虾舖满甘香浓郁既咸蛋黄，虾肉弹呀鲜味，令人暂时忘却高胆固醇既威胁。黄金酱汁送饭一流，可惜不慎俾阿姐收走了！至贵既豉椒炒蛏子皇系朋友指定菜式，待应上碟时再用火烧一烧，火光熊熊既震撼画面实在为之惊叹！比起炒蚬，蛏子更加肉厚多汁，所以虽然成五十蚊只都觉得抵既！唔记得名既千层豆腐刀功一流，味道清淡正好消消滞。另一味大获好评既菜就系炸鳝头，蜜汁包住外脆内软既鳝鱼，远睇似叉烧，食落比叉烧更多汁，大家都赞口不绝！食肉太多当然要饭返啲菜平衡返，推介既海王菜其实即系瑶柱扒豆苗既变靓版，食味同一般酒楼无异。姜葱
我地今次坐楼上，装修比我想像中豪华，系深水埗呢啲旧区黎讲算少有。最近睇报纸有介绍呢间食店，原来港视艺员罗贯峰有份投资，唔怪得有咁多明星帮衬，当晚仲见佢坐系我地隔离枱添。
我地一行八人点左八个小菜，每款都水准之上，而且卖相精致，令人食指大动。
先黎糖醋排骨，肉质松化，酸甜适中，稳阵之选。
再黎黄金虾，一支支连壳中虾舖满甘香浓郁既咸蛋黄，虾肉弹呀鲜味，令人暂时忘却高胆固醇既威胁。黄金酱汁送饭一流，可惜不慎俾阿姐收走了！
至贵既豉椒炒蛏子皇系朋友指定菜式，待应上碟时再用火烧一烧，火光熊熊既震撼画面实在为之惊叹！比起炒蚬，蛏子更加肉厚多汁，所以虽然成五十蚊只都觉得抵既！
唔记得名既千层豆腐刀功一流，味道清淡正好消消滞。
另一味大获好评既菜就系炸鳝头，蜜汁包住外脆内软既鳝鱼，远睇似叉烧，食落比叉烧更多汁，大家都赞口不绝！
食肉太多当然要饭返啲菜平衡返，推介既海王菜其实即系瑶柱扒豆苗既变靓版，食味同一般酒楼无异。
姜葱焗蚝一客六只，正好有两位朋友唔食蚝，刚好够分。此蚝肉质鲜嫩，只是调味太重咸左啲。
人多要食饭先够饱，炒饭不过不失，始终只系主菜既点缀，唔会要求太高。
最后冇谂到会有甜品送，而且唔系行货红豆沙，系好有特色既炸蕃薯芋丸，做法类似高力豆沙，但咬开内里系热辣辣黄蕃薯加紫芋头，色泽吸引，甜度适中，为这次开心既团年饭画上完美句号！
张贴
