八公館

营业中

休息中

日期： 9月10日人数： 10人话说一班人farewell 同事。有成10个人咁多，食farewell lunch最佳选择当然系饮茶啦。揾左呢间喺中环街市旁边嘅八公馆。听闻呢间野以前系北苑，后来装修返之后重新开业，质素都唔错。咁就系部门度凑够八个公，同埋两位女同事食啦～ 话说我哋主要都系叫点心，。点心都系大家一般会叫嘅𠮶啲嘢，好似虾饺、烧卖、菜苗饺、肠粉、凤爪、排骨、流沙包等等。另外仲点左黑松露什锦炒饭，同埋猪肉炒河。我哋仲点左一份灌汤饺，比较有特色嘅系酒楼用椰皇装住只饺。由于点心太多，我自己都冇一一影晒。总括而言，所有点心都好热，用料好足，卖相精致，同埋味道都系唔错嘅。炒饭粒粒分明，够干身。个人觉得唯一不足系碟炒河粉太多油。环境几好啊，坐得几舒服，虽然午餐时间满座，但都唔会好嘈。以咁嘅食物质素，仲要喺中环，价钱相对其他酒楼系合理的，其他小费都唔多。提前两日订定都有枱，唔算难book。服务水平正常，个人觉得人手有点不足。