影片
更多
2017-11-14
893 浏览
数一数手指，原来我都好耐冇去过东大街了。本身住得离筲箕湾吾近既我对戈边冇乜认识，只知东大街系出左名多野食，而通常你系戈区入面冇乜出名既野但零零舍舍有条街系食野出名既都会引黎吾少人注意。我食东大街既安X鱼蛋粉都食过两次了，感觉系吾错的，今次揾到间吾系好贵既日本菜，食既野都居酒屋近似，认为可以一试。餐厅里面座位数量并吾多，如果真正繁忙时间可能要等位，当我同男朋友坐卡位戈阵，因为佢嘅卡位系硬木板，我一坐落去𠮶阵无啦啦劲大声咁「卡」左一声，搞到我劲瘀唔知仲以为我身形真系好笨重𠮶只，跟住我再坐多几下发觉其实根本系佢张凳本身有问题，就咁坐稍为有啲动作都会有𠮶啲声。餐牌好搞笑架，呢度嘅餐牌唔系用原子笔写𠮶啲，而系用水笔写系餐牌面，跟住职员就可以擦咗佢再俾第2 round既客用。面层真系有几多黑松露黑松露迷一定中意，仲有熟既三文鱼同埋带子两大粒，三文鱼有几旧，都几足料，乌冬系赞歧乌冬，口感好特别。个汤底好正好重忌廉味，不过好稀，但个味真系令人忍吾住想饮多几啖。鸡泡鱼干真系唔系度度都有得食，而系呢度竟然有得食，实在难得，以我食过嘅鸡泡鱼干嚟讲，有分好粗或者好幼，而呢个嘅切条就做得比较粗，不过粗同幼其实我
餐厅里面座位数量并吾多，如果真正繁忙时间可能要等位，当我同男朋友坐卡位戈阵，因为佢嘅卡位系硬木板，我一坐落去𠮶阵无啦啦劲大声咁「卡」左一声，搞到我劲瘀唔知仲以为我身形真系好笨重𠮶只，跟住我再坐多几下发觉其实根本系佢张凳本身有问题，就咁坐稍为有啲动作都会有𠮶啲声。
餐牌好搞笑架，呢度嘅餐牌唔系用原子笔写𠮶啲，而系用水笔写系餐牌面，跟住职员就可以擦咗佢再俾第2 round既客用。
面层真系有几多黑松露黑松露迷一定中意，仲有熟既三文鱼同埋带子两大粒，三文鱼有几旧，都几足料，乌冬系赞歧乌冬，口感好特别。个汤底好正好重忌廉味，不过好稀，但个味真系令人忍吾住想饮多几啖。
黑松露忌廉海鲜乌冬
$88
35 浏览
0 赞好
0 留言
鸡泡鱼干真系唔系度度都有得食，而系呢度竟然有得食，实在难得，以我食过嘅鸡泡鱼干嚟讲，有分好粗或者好幼，而呢个嘅切条就做得比较粗，不过粗同幼其实我谂都唔会影响味道嘅。味道方面，食落去都系同平时嘅鸡泡鱼干一样偏向硬身，不过如果好嘅鸡泡鱼干会唔太油，但呢个就偏油。
鸡泡鱼干
$48
21 浏览
0 赞好
0 留言
市面上有好多日本餐厅都会标签自己既牛乳系北海道牛乳，呢间既牛乳忌廉饼反而冇标签自己系北海道牛乳，但食落去我觉得真心唔错，你会感觉到牛奶同忌廉嘅味道几明显，食落去感觉会偏甜但正正系佢嘅精髓。但脆身方面就唔好期待咁太高，如果真系整得好嘅应该摆耐啲都仲系会脆，但呢个食落就好似唔会好脆。
牛乳忌廉饼
$28
14 浏览
0 赞好
0 留言
牛拼盘分别有牛小排、牛舌、安格斯牛肉，个人认为只有安格斯牛肉系稍为好啲，牛舌就一般般，牛小排真系超级超级硬硬到咬唔开啊救命，比$93食个咁嘅拼盘真系贴钱买难受，明明前面果几样野都OK，点解无啦啦呢样会咁难食！
串烧牛拼盘
$93
13 浏览
0 赞好
0 留言
所谓嘅八沢特饮有分四只味道：蜜柑、蜜桃、巨峰、士多啤梨，通常日本菜有亲呢啲味道拣我都会拣蜜桃味，通常都唔会中伏嘅，好彩今次都唔例外，同平时嘅日本餐厅一样，都系蜜桃嘅糖浆喺晒底下，上面应该就系梳打水，捞匀之后都几好饮嘅，不过就有点儿偏甜。
八沢特饮
$28
15 浏览
0 赞好
0 留言
有样嘢值得赞嘅系员工真系几有礼貌，不论系啰order或者上菜𠮶阵，态度都系几友善。不过一间餐厅只靠员工嘅态度系不足够的，仲需要各方面嘅调和。
张贴
