真味鮮廚

营业中

休息中

是日上午开会，老板中午设宴款待各同事，所以今日有免费午餐吃，在真味订左2围。8𩠌1汤，$1598/围，都几抵食。有乳猪全体、虾球伊面、带子炒花枝、清蒸双班、烧鹅王、陈皮蒸鲍鱼、丝瓜浸鱼腐、花胶鸡脚螺头汤、特大寿包。乳猪、烧鹅一向都系真味拿手之作，虽然今次两样都有啲肥左少少，但乳猪仍然松化，皮脆肉嫩，烧鹅依旧甘香。而虾球伊面啲虾又大又爽口，啲面吸收左虾汁仲好味道。带子炒花枝虽然清清地但够晒大碟。蒸双班虽然细条啲，但比蒸一大条鱼滑得多。鲍鱼就好香陈皮味，爽脆弹牙。花胶汤每人都有2-3旧花胶仔同螺头，算落足料。丝瓜鱼腐就一般啦，因为已经饱，无乜点食。最后仲有特大寿包，吃埋大满足。