影片
更多
2022-09-13
110 浏览
最近收工去咗铜锣湾刚开业嘅「山」 餐厅以山林做主题 无论餐具定环境 都极具心思及精致 真系比咗唔错嘅惊喜我 环境宽敞舒服 明亮干净 再加埋佢哋嘅无敌马场景 真系庆祝同聚会嘅好去处😍呢到主打六款精致嘅厨师发板 分别以鸡、黑豚、和牛、海鲜、鱼及蟹为主题 完全充分体验到精致料理嘅极限🙌🏻 店员服务态度好好 成日都会帮忙加茶 又会主动介绍菜式 成个体验都好好🙈🔸蟹omakase $1388🔸✨北海道花咲蟹啫喱蟹肉嘅份量满满 加入左蟹醋啫喱同金箔 冰凉嘅口感 味道极鲜 两者一齐食 口感酸酸地 清新又开胃✨云丹明太子白虾味道清甜 白虾加左明太子、鳕鱼子、日本当季海胆、金箔及紫苏花 底部仲有柠檬 食落口感黏滑 鲜味无比 有口感😍✨北海道利尻昆布蟹汤 里面加入左莲藕粉 味道清香得来好浓郁 蟹肉厚身有咬口 唔会好鞋 鲜味十足😍✨刺身三点 帆立贝 深海池鱼 牡丹虾 一上枱有阵阵嘅烟雾效果 好震撼 完全迎合到佢哋以山做主题既情景 深海池鱼好烟韧 店员话要加埋酸汁一齐食 口感清新 帆立贝清甜饱满 大大粒好新鲜 牡丹虾好黏滑爽口 虾头仲有满满嘅虾膏！✨上海蟹盖呢款炸蟹盖里面酿左甘笋冬菇粒洋葱粒 再加埋鱼肉蟹肉
最近收工去咗铜锣湾刚开业嘅「山」 餐厅以山林做主题 无论餐具定环境 都极具心思及精致 真系比咗唔错嘅惊喜我 环境宽敞舒服 明亮干净 再加埋佢哋嘅无敌马场景 真系庆祝同聚会嘅好去处😍
呢到主打六款精致嘅厨师发板 分别以鸡、黑豚、和牛、海鲜、鱼及蟹为主题 完全充分体验到精致料理嘅极限🙌🏻 店员服务态度好好 成日都会帮忙加茶 又会主动介绍菜式 成个体验都好好🙈
🔸蟹omakase $1388🔸
✨北海道花咲蟹啫喱
蟹肉嘅份量满满 加入左蟹醋啫喱同金箔 冰凉嘅口感 味道极鲜 两者一齐食 口感酸酸地 清新又开胃
✨云丹明太子白虾
味道清甜 白虾加左明太子、鳕鱼子、日本当季海胆、金箔及紫苏花 底部仲有柠檬 食落口感黏滑 鲜味无比 有口感😍
✨北海道利尻昆布蟹汤
里面加入左莲藕粉 味道清香得来好浓郁 蟹肉厚身有咬口 唔会好鞋 鲜味十足😍
✨刺身三点
帆立贝 深海池鱼 牡丹虾
一上枱有阵阵嘅烟雾效果 好震撼 完全迎合到佢哋以山做主题既情景 深海池鱼好烟韧 店员话要加埋酸汁一齐食 口感清新 帆立贝清甜饱满 大大粒好新鲜 牡丹虾好黏滑爽口 虾头仲有满满嘅虾膏！
✨上海蟹盖
呢款炸蟹盖里面酿左甘笋冬菇粒洋葱粒 再加埋鱼肉蟹肉 外脆内软 上面仲淋咗芡汁同金箔 味道浓郁鲜香
✨红桑子雪芭
酸酸甜甜 食到中段食返杯雪芭 清新解腻🙌🏻
✨鳕场蟹配海胆
用烟熏焗住上枱 非常震撼 一打开浓郁嘅烟熏味 鲜甜湿润 配埋海胆 啖啖肉 蟹味好出 海胆烧过 溶落鳕场蟹到一齐食 好鲜甜 口感好丰富🤣
✨特浓大闸蟹蟹膏伴稻庭
将满满嘅大闸蟹蟹膏倒落弹牙既乌冬度 啖啖都沾满蟹膏蟹肉既香味 味道浓郁又邪恶😍
✨香印提子益力多雪糕拿破仑
好有层次感 香印提子好香甜 有惊喜系中间𠮶层拿破仑非常香脆 里面仲有酸甜冰冻嘅益力多雪糕 再配埋sake啫喱简直锦上添花 甜而不腻😍
张贴
