泰海鮮 (已結業)

趁住放假，同一班朋友入去三圣食海鲜，今次都系呢到，因食过好味，同埋价钱合理，不过今次就由朋友发板，先上海鲜汤，海鲜材料十足，有大大只嘅濑尿虾，同埋啲鱼，蕃茄薯仔等材料煮成，味道鲜甜，手快有得饮多碗！小食就点了这里出名嘅泰皇芝心虾丸，外面有香脆嘅面包粒，入口香脆，咬开流心嘅芝士从这个位置流出，味道浓郁！海鲜就点了传统嘅上汤焗龙虾，够原味，一入口就知道十分新鲜，因佢嘅肉质爽口弹牙十分鲜味！还有推介嘅白酒忌廉煮花甲乌冬，大大只花甲配上白酒忌廉汁味道更加浓郁，还有烟韧弹牙嘅乌冬真系想加个饭混埋一齐食！豉油皇鲍鱼亦十分大只厚身肉质烟韧爽口，加上个豉油汁就更新鲜味！还有大家都食得津津有味嘅油盐焗奄仔蟹，蟹膏十足入口真系啖啖蟹膏，而肉质亦十分鲜甜，还有豉椒蛏子皇米粉底，蛏子皇大大只配埋个豉椒汁一齐入口超正，但要亲热食，等耐了个米粉底就会开始变淋，喜欢香脆嘅朋友要留意！最后食肉狂嘅朋友觉得唔够肉追加了招牌炸子鸡，炸得都十分香脆肉质嫩滑！一班人这里真系一个唔错嘅选择！