影片
更多
2023-01-10
29 浏览
天气冻嘅最佳节目就系打边炉，之前食晏发现尖沙咀又有一间新开嘅火锅店，餐厅名叫「花月宫」，呢晚放工就一于嚟烚吓烚吓🌸。餐厅环境唔错，灯光明亮💡，而且食完个身都无一大浸味。同时，餐枱阔落，客人坐得舒服。我仲留意到呢度设有包厢房间呢。火锅食材选择算多，价格属中等水平，份量亦适中。佢另外仲提供少量特色小食，例如麻辣前菜同炸物等，望落都几吸引，但肚皮有限🙈。花月宫特色四格锅($268)，呢个四合为一嘅汤底值得高度推介🍲，单点锅都要接近$100，而家可以用一个价钱试匀多款口味！第一款系药膳花雕花胶醉鸡锅🐔，估唔到并搭都附送一份鸡同花胶，有鸡髀同胸。由于系药膳底，所以味道偏甘苦，带少少参味，不过酒味就唔重。第二款系黑松露野菌锅🍄，菇汤超好饮，味道清甜，菇香扑鼻，适合渌菜同面食。第三款系四川麻辣锅🌶，辣度唔算好强，但同样带啲药膳味，汤底本身附有索汤嘅蜂巢豆腐同鸭血。最后就系蕃茄浓汤海鲜锅，我认为海鲜味比起蕃茄味更突出🍅，海鲜有虾、青口同鱿鱼等。三色滑($128)，手打滑有三味🍢，图左至右分别系干贝滑、墨鱼滑同鲜虾滑，每款大约可分到六粒，都算抵食。三款味道有明显唔同，不过质感同样弹牙，其中以干贝最特别，
天气冻嘅最佳节目就系打边炉，之前食晏发现尖沙咀又有一间新开嘅火锅店，餐厅名叫「花月宫」，呢晚放工就一于嚟烚吓烚吓🌸。
餐厅环境唔错，灯光明亮💡，而且食完个身都无一大浸味。同时，餐枱阔落，客人坐得舒服。我仲留意到呢度设有包厢房间呢。
火锅食材选择算多，价格属中等水平，份量亦适中。佢另外仲提供少量特色小食，例如麻辣前菜同炸物等，望落都几吸引，但肚皮有限🙈。
花月宫特色四格锅
$268
18 浏览
0 赞好
0 留言
花月宫特色四格锅($268)，呢个四合为一嘅汤底值得高度推介🍲，单点锅都要接近$100，而家可以用一个价钱试匀多款口味！第一款系药膳花雕花胶醉鸡锅🐔，估唔到并搭都附送一份鸡同花胶，有鸡髀同胸。由于系药膳底，所以味道偏甘苦，带少少参味，不过酒味就唔重。
第二款系黑松露野菌锅🍄，菇汤超好饮，味道清甜，菇香扑鼻，适合渌菜同面食。第三款系四川麻辣锅🌶，辣度唔算好强，但同样带啲药膳味，汤底本身附有索汤嘅蜂巢豆腐同鸭血。最后就系蕃茄浓汤海鲜锅，我认为海鲜味比起蕃茄味更突出🍅，海鲜有虾、青口同鱿鱼等。
三色滑
$128
12 浏览
0 赞好
0 留言
三色滑($128)，手打滑有三味🍢，图左至右分别系干贝滑、墨鱼滑同鲜虾滑，每款大约可分到六粒，都算抵食。三款味道有明显唔同，不过质感同样弹牙，其中以干贝最特别，因为真系食到一丝丝。
一口牛柳粒($108)，🥩牛柳粒有成十几廿蚊，肉味OK，但个别有几粒脂肪比例较高。
薄切牛舌心($88)，👅牛舌有十片，虽然薄切，但口感都几爽弹。
稻庭鸟冬($28)，🍜打边炉一定要食乌冬，我话嘅！面条滑溜又挂汤，配野菌汤食无得输。
西洋菜($48)，西洋菜系冬天嘅时令菜💚，菜叶好甜，渌菇汤令汤底变得更香，而菜亦更好食。
玉油柑茶($68/渣)，我第一次听同饮玉油柑茶🍵，味道几得意，又有啲似曾相识，唔识形容。整体唔太甜，感觉几清热、解渴。
酱介费每位$18，佢提供九宫格供自选，但汤底够味，我都无乜点蘸酱😛。
总括嚟讲，今晚打边炉难得唔觉热气，可能因为养生汤底关系，佢个四格汤锅绝对值得一试啊👍。
张贴
