漁民麵館 (已結業)

平时食咁多热气野，又煎又炸，今次一于食返啲养生嘅嘢食。呢间渔民面馆以海参、花胶等海产作主题，店中不少美食都系用呢两种食材架。海参捞面虽然都系捞面,但今次主角由云吞变成海参,成个格调即刻唔同晒！海参口感烟烟韧韧，红配上嘅鲍鱼汁味道非常夹。除咗海参，仲有加上淡味酱汁嘅冬菇同少许菜心，整个捞面味道并唔单调。捞面虽然已经有好多，但仍然好食到觉得唔够喉。海参捞面仲会有个汤，味道都几清，食完酸辣野用嚟清清肠胃就最啱啦。凉拌青瓜拼花胶相对韩式捞面来讲，呢个小食会比较刺激。整碟青瓜都浸系酸辣汁里面，所以味道会比较酸辣刺激。食完海参捞面再食呢个酸辣青瓜，笔者觉得味道都会比较唔夹，想食清淡d 就唔好食呢个小食喇。