影片
更多
2016-03-09
459 浏览
从来冇写过食评，但昨晚食过之后，实在觉得唔抵，不吐不快!之前在其他店都食过几次蒸锅，见呢间店格局几好又新净，又有好多好食评，于是相约姐妹庆祝三八妇女节。店铺的格局同服务都可以，但估唔到食物质素咁差劲，主打既然是蒸海鲜，点解D海鲜可以咁差，同收费完全不合比例。首先蒸番薯蚬，$168 五只，完全没有鲜味，而且可能蒸过头，有点韧再来花竹虾 (全晚最好的一样)，但 $250一只，其实好贵跟住系开边龙虾 (系送的)，虽然是送的，都冇理由肉质霉霉地嘛象拔蚌刺身 $888, 颜色黑黑地，重有一股泥味，向部长投诉，佢换过一条来，但依然一样，我地只系食在三分一，部长重话呢D货系咁㖞，不能跟加拿大品种相比，我都知唔可以跟加拿大品种比较，但都唔可以咁难食嘛接著是蛏子皇 $68 一只，重衰过我自己在街市买，又瘦又㓥唔干净，又系一股泥味六头鲍鱼 $88一只，完全冇鲜味最揾笨系跟住呢几样 …半只顺德污糟鸡 $288 ，一睇就知冇半只，五个人每人只有好少，大家都冇食到食脾，唔通呢只鸡冇脚？只有好多大头菜，咸到死。梅菜蒸菜心 $108，梅菜冇味，菜心冇味，干柴柴最后个南瓜排骨粥 $128 (我之前喺其他店食蒸锅，最好
之前在其他店都食过几次蒸锅，见呢间店格局几好又新净，又有好多好食评，于是相约姐妹庆祝三八妇女节。
店铺的格局同服务都可以，但估唔到食物质素咁差劲，主打既然是蒸海鲜，点解D海鲜可以咁差，同收费完全不合比例。
首先蒸番薯蚬，$168 五只，完全没有鲜味，而且可能蒸过头，有点韧
再来花竹虾 (全晚最好的一样)，但 $250一只，其实好贵
跟住系开边龙虾 (系送的)，虽然是送的，都冇理由肉质霉霉地嘛
象拔蚌刺身 $888, 颜色黑黑地，重有一股泥味，向部长投诉，佢换过一条来，但依然一样，我地只系食在三分一，部长重话呢D货系咁㖞，不能跟加拿大品种相比，我都知唔可以跟加拿大品种比较，但都唔可以咁难食嘛
接著是蛏子皇 $68 一只，重衰过我自己在街市买，又瘦又㓥唔干净，又系一股泥味
六头鲍鱼 $88一只，完全冇鲜味
最揾笨系跟住呢几样 …
半只顺德污糟鸡 $288 ，一睇就知冇半只，五个人每人只有好少，大家都冇食到食脾，唔通呢只鸡冇脚？只有好多大头菜，咸到死。
梅菜蒸菜心 $108，梅菜冇味，菜心冇味，干柴柴
最后个南瓜排骨粥 $128 (我之前喺其他店食蒸锅，最好味就系个粥，蒸完海鲜食好鲜味)，竟然最后要加鱼汤再煮㖞，真奇怪
加埋酒水、茶芥，总共食左$4486，超贵又唔好吃，永无下次帮衬
张贴