老廣靚湯 (已結業)

朋友介绍，话啲煲仔饭好正，于是去试下系咪咁正。一去到，唔使等位，好嘢！小确幸了一下。坐低，个姨姨即时比佐两杯水黎，我地见系自己画要食乜，但未见有笔，正愁紧点算，但姨姨就好醒目咁比佐支笔黎。一睇个餐牌，眉毛夹得死乌蝇，原来啲饭全部都系煲仔饭不过都算，我都想食既，于是点佐碗汤，一个小食，一碟菜，一个饭。等佐冇耐，啲嘢开始到，汤话系鳄鱼汤，但系饮晒成碗都唔见有鳄鱼肉！小食系熏蹄，硬到一个点......蜡肠蜡鸭煲仔饭，还不错但问题就黎啦，佢黎佐煲仔饭，但我地觉得唔够味，想加啲豉油，但枱枱都有豉油，就系我地𠮶枱冇！算！但举佐手成五分钟都冇人理我！唔通间一眼望得晒既舖大到咁夸张？再唔系就系我系隐形既，一定系，除非唔系！举手睇唔到，叫又听唔到，过佐唔知几耐，终于有个呀姐睇到，比返支豉油我。但食佐成餐饭，佢就系入黎𠮶阵个一细杯仔水，冇添到，亦唔知去边度自己添！其实你唔帮我地添系唔紧要既，你放喺枱面啰，你唔放喺枱面都唔紧要既，你放喺个大家容易知既地方啰。但你就乜都冇！于是我干鲠完啲嘢食就走啦。呢啲咁既地方，真系去一次体验下就算啦。