老廣靚湯 (已結業)

位置有啲偏僻嘅茶餐廳，唔係有人帶都唔會留意到呢間鋪頭。外表睇真係好似普通茶記，但其實佢主打老火湯同煲仔飯，留意返一般茶記嘅炒粉麵飯係無得賣嘅。佢餐牌係寫石鍋飯，其實就即係煲仔飯。今次點左油鴨肶煲仔飯、蝦乾豬頸肉煲仔飯，個飯底好好食，軟硬適中，加埋甜鼓油，唔會太咸又夠香，啲飯焦都好適量，唔會焦到黑色咁，又唔會成煲飯都係飯焦，薄薄一層油鴨肶係好食嘅，不過就普通左啲。豬頸肉就特別啲，佢地自己調味，食得出有陣酒味，好香整體黎講佢個煲仔飯好食過好多所以排隊名店，而且服務態度好好，絕對會再幫襯！

服務態度差，落漏單無交代，到底係落左單未到還是漏左落單會即刻幫我落返？要再三追問，一直等吾知等到幾時，一直坐一直等，同單一齊落既煲仔飯已經一早食完，禮貌既回應係基本需要！

突然好想飲啲湯水，於是Google搵到哩間店😚Menu上原本就有好多湯選擇，但大部分都刪曬...叫左個大蟲草花菇菌烏雞湯兩份飲😋好足料，味道香濃，十分推介～好耐無飲湯喇，好感動😭叫左排骨滑雞同東坡肉鐵鍋飯，飯焦又香又脆，燶得岩岩好。不話啲餸就一般，滑雞係雞柳咁，鍾意平時食開有骨個啲🤔東坡肉個人覺得醬汁未夠入味，似住家飯菜，無咩味精，平時食開淡味，所以都還好～雖然啲飯一般，但會為左啲靚湯再返黎食🥰

天氣開始轉變，要飲翻啲湯水先🤣👈🏻藉口多多🤣其實咪又係想去飲湯😋老廣好細心，會按時令去做湯👍🏻重有招牌鐵鍋飯！今日飲大山地麥冬燉湯據說大生地有滋陰涼血,對陰虛內熱者有調節作用; 麥冬能養陰清熱,能增加心肌營養性血流量,減慢心率,鎮靜心神,調節免疫功能！再叫多個無花果銀耳湯，喱個湯能清熱排毒, 潤腸, 滋潤肌膚 ！蝦干豬頸肉鐵鍋飯黃鱔鐵鍋飯，鍋內重有香甜嘅紅棗杞子！聽說過黃鱔是補品，喱餐真係夠曬補😌簡單小店，燉湯鍋飯都好出聲！留意，小店以家庭式經營，一舖老友！請大家多多包涵😊

今日係尖沙咀做完 Facial碌返來元朗同男友食晚飯，近近地係屋企附近食啦！就選擇了「老廣靚湯」餐牌上當然是靚湯仲有鐵鍋飯茯苓椰子桂圓湯＄50，椰子嘅香味濃郁，非常足料鐵鍋煮豉汁白鱔飯＄75，白鱔新鮮爽滑，鍾意食飯焦嘅朋友可以食吓小店運作人手不足，要耐心等候

努力左一日終於開飯。排骨滑雞煲仔飯🍲，因為即叫即整除時要等半個鐘，飯焦是必須的，甜豉油是必須的，滑滑的雞肉，可惜d排骨醃到好勁酒味，我唔鍾意酒味，同埋佢唔係用砂鍋而用鐵鍋，硬係爭d咁，但整體都唔錯呀其實呢度既燉湯更加出色繼煲仔飯之後就係燉湯，$50椰子烏雞燉湯足料又夠味，份量足3碗，呢個價錢值啦，唔怪得佢叫老廣靚湯，因為湯比煲仔飯出色，係個燉盎肉酸d囉，崩哂咁

朋友介紹，話啲煲仔飯好正，於是去試下係咪咁正。一去到，唔使等位，好嘢！小確幸了一下。坐低，個姨姨即時比佐兩杯水黎，我地見係自己畫要食乜，但未見有筆，正愁緊點算，但姨姨就好醒目咁比佐支筆黎。一睇個餐牌，眉毛夾得死烏蠅，原來啲飯全部都係煲仔飯不過都算，我都想食既，於是點佐碗湯，一個小食，一碟菜，一個飯。等佐冇耐，啲嘢開始到，湯話係鱷魚湯，但係飲晒成碗都唔見有鱷魚肉！小食係燻蹄，硬到一個點......蠟腸蠟鴨煲仔飯，還不錯但問題就黎啦，佢黎佐煲仔飯，但我地覺得唔夠味，想加啲豉油，但枱枱都有豉油，就係我地嗰枱冇！算！但舉佐手成五分鐘都冇人理我！唔通間一眼望得晒既舖大到咁誇張？再唔係就係我係隱形既，一定係，除非唔係！舉手睇唔到，叫又聽唔到，過佐唔知幾耐，終於有個呀姐睇到，比返支豉油我。但食佐成餐飯，佢就係入黎嗰陣個一細杯仔水，冇添到，亦唔知去邊度自己添！其實你唔幫我地添係唔緊要既，你放喺枱面囉，你唔放喺枱面都唔緊要既，你放喺個大家容易知既地方囉。但你就乜都冇！於是我乾鯁完啲嘢食就走啦。呢啲咁既地方，真係去一次體驗下就算啦。

自己懶得煲想飲啖湯，去咗幫襯，九點鐘大把位，一行三人，叫了一大一小湯、兩個煲仔飯、一碟油菜及雞翼。椰子烏雞燉湯（大），好香椰子味好足料，呢個份量可以飲到四個碗仔，不過冇試湯渣。 蟲草花鱷魚湯，呢個大概分到兩碗左右，味道重蟲草花味道，一個人份量已經好夠。豉汁白鱔飯，白鱔得5件，餸太小，白鱔好入味，全程冇用豉油撈飯，要讚嘅係佢啲飯焦，飯焦依然係白色，火喉掌握得好好。土魷鹹魚雞柳飯，相同問題太少餸，最後又係食晒啲餸剩返啲飯，好彩叫咗雞翼及芥蘭 。食完屋企人eeoo, 埋單三百幾蚊、唔抵食、餸又小，去酒樓食好過，老人家都是酒樓控，我個人應為啲湯好OK，係價錢貴咗啲。

叫左個北菇滑雞飯 雞夠嫩 又無筋無骨大大件 不過菇就有啲太少 無乜菇味即製關係 要等成半個鐘先有得食好彩有湯飲住先但總體佢係一個好食既飯 $50幾蚊 非常抵玩！份量係食得飽一個成年男人 又唔會飽到上心口椰子雞湯啲椰子切得幾薄 好出味雞就一般 但睇返價錢都係抵食啲湯唔知係咪因為椰子味太出啦 雞味唔係好濃 面頭既雞油都唔多湯料比得幾足 不過如果留返個蓋俾我cum就最好服務態度方面 見到阿叔同啲客同細路哥有講有笑我地催個雞飯時又同我地解釋 因為即製所以要半個鐘到會推薦朋友黎食！

今晚想飲老火湯，於是到老广靚場，七點不到來門前有不少等位的食客，輪枱大約十分鐘到我們入座。菜單湯的選擇很多，真是花多眼亂，兩口子最近時常都風寒感冒，胃口較差，也有點點咳嗽，於是上網查找合適我們的靚湯，我選了兩款有桔梗的湯，希望能有食療功效，嘆靚湯之餘，也幫助身體增強一下抵抗力。桔梗淮山湯（細）(S35) 甜美清潤，上網做了點功課，桔梗能宣肺化痰，淮山則健脾開胃，裡面還有肉竹和南北杏，此湯應該滋陰潤肺，健脾開胃，實在是秋冬佳品。鱷魚肉桔梗湯（細）(S35)   比上一款湯香濃，但沒有鱷魚肉的腥，較有藥材香，裡里有幾件鱷魚肉，鱷魚肉有平喘止咳、補肺益腎功效，加上桔梗宣肺化痰，補中益氣止咳，也是另一秋冬佳品。兩口子叫了一個鐵鍋田雞飯  （$60）有三整條粗大肥美的田雞腿另加兩件胸肉，入口啖啖肉，調味恰好能嚐到田雞肉的鮮味，肉質厚實，底部飯焦略帶金黃，但沒有焦至燶黑，還有清甜脆肉瓜兩片，給滿分！（唯一缺點可能是：等了半個小時，想吃即叫即做就要有耐性。

首先去到嗌左一人一個煲仔飯即係兩個，一個椰子燉雞湯，一疊白灼菜心，先講講個煲仔飯，啲飯係林嘅，最緊要係全場得一半客人都沒有，竟然兩個煲仔飯要等左七至八個字時間，龍肉都煮到出嚟啦⋯⋯等唔緊要，真係好難食先係重點，價錢亦都唔係平，中等，但真係唔值，食個茶餐廳冇咁嬲，再講下個椰子燉雞湯，凍嘅，好似水鬼了一樣，真係＄5加個例湯都好飲過佢，最好食應該係碟白灼菜心，可笑！！再加上員工態度特別差，問佢嗰樣正常聲線佢哋係聽唔到客人講嘢架，唔知係咪借咗聾耳陳隻耳，撞聾一樣，抱住做又36唔做又36嘅態度，希望呢間野早點摺埋，加上請埋啲咁嘅人工，返工喺度玩電話，見到過客等左七八個字都未有煲仔飯上，都可以覺得冇問題，你話你全場爆滿我都唔敢話你，明明全場都係淨係坐左三分之一，入邊廚房啲人都唔知喺度搞乜，一個極度難食嘅煲仔飯都可以煮成八個字

說好2016年吃「煲仔飯 」，結果又是2017年才實現這吃貨計劃😋之前想吃元朗老廣靚湯我終於吃到，我與朋友都讚不絕口。比起廟街某些煲仔飯店更佳，尤其飯焦更是金黃色，絕不是騙大家，而且米飯不會偏爛偏硬，既吃到飯焦的香，也吃到飯的軟熟，煲仔飯的最高境界也。臘腸不會乾，濃濃的臘味香，入口即化。北菇滑雞相當軟嫩好吃，醃得入味，而且雞肉相當飽滿。下面的飯吸收了雞肉與臘腸的油香，但全冇膩味的感覺。想不到煲仔飯除加入薑絲與蔥花外，也會加入杞子，紅棗，令整個煲仔飯生色不少，味帶甘甜。土魷吃起來超彈牙，搭配爽口的馬蹄與香嫩的冬菇別有一番滋味。蔬菜方面以翠玉瓜取代傳統的菜心，我喜歡這，吃得方便之餘，亦很鮮甜。臘鴨臘腸煲仔飯亦很讚，飯焦同樣焦焦脆脆，臘鴨亦沒有油油膩膩的感覺，反而像金華火腿般乾爽，散發出陣陣鹹香，拌飯一絕~ 鹹蛋很驚喜，因為它沒有一般鹹蛋的死鹹，微微的鹹味，很對胃，又不過於重口味。👍店名名老廣靚湯怎會不喝這裡的靚湯~ 這裡的湯選擇蠻多，不過我與朋友都覺得可以點一大盅，兩個人分享便好了，結果每人都喝到兩碗多。人蔘烏雞燉湯完全沒有多餘浮油，而且用料實在，湯不但有烏雞，人蔘熬煮，還加入豬肉，紅棗，

以前其實唔差，一排無嚟，今晩一肚氣。依家D服務九流。張張枱今晚都一係漏單、錯單、仲要D湯係凍。每個人同老闆講佢仲要係覺得理所當然。有人坐咗45分鐘頂唔住起身走。真係對呢度完全失望！

今晚我們去咗元朗西菁街嘅「老廣靚湯」食晚飯！人參靈芝燉湯、鹿茸燉湯、阿膠烏鷄燉湯、川貝雪梨燉湯、豉椒排骨飯、豉汁白鱔飯、田鷄飯同黃鱔飯！人參靈芝燉湯嘅味道非常甘甜濃郁！鹿茸燉湯嘅味道相當鮮甜甘香！阿膠烏鷄燉湯嘅味道超級香甜濃郁！川貝雪梨燉湯嘅味道好清甜滋潤！所有燉湯全部都係超足料燉製，湯料非常豐富，湯底極之濃郁！豉椒排骨飯嘅排骨肉質好爽滑彈牙！豉汁白鱔飯嘅白鱔肉質好鮮味彈牙！田鷄飯係新鮮即叫即劏，所以肉質超鮮甜彈牙，而且相當肥美！黃鱔飯嘅黃鱔肉質極之爽甜彈牙！所有鐵鍋飯嘅米飯非常乾身，飯焦極之香脆！

嚟到元朗區探朋友，友人知我平時少湯水，專誠帶我嚟試第一次嚟，慢慢睇，店員(可能係老闆)好細心咁走嚟講話揀咗飯先，因為煲仔飯製作需時。首先上菜係酒糟雞翼，一打開蓋就聞到陣陣酒香，雞翼入味兩個燉湯足料又夠火喉，份量有三碗以上，湯料大部份都食得，每個燉湯都有2人份量。清清地叫個瓜，唯一缺點係嚟得太早，等到飯嚟，D瓜都凍晒。約二十分鐘煲仔飯登場，飯是乾身的，臘味尚算足料，很香哩個肉餅厚度夠，飯乾身但肉餅juicy，蝦干味就比較淡淡的。 主角始終都係飯焦雖然飯一嚟就打開蓋，但每煲都搵到幾片飯焦，少少脆又唔痴牙