囍囍小廚

营业中

休息中

屋企人生日，见佢新开光猛整洁，所以就去试吓。一入到去，安排咗卡位坐。前面系一台老人家，疑似老细嘅人，不停劲大声咁讲粗口同啲客倾偈。我其中一位屋企人因为有耳鸣，所以系咁同我讲过疑似老细嘅人好嘈。到咗落单，系需要用QR code ，不过都唔紧要，因为可以好快就落到单。叫咗椒盐鲜鱿，好咸同埋唔热。姜葱鸡半只，份量够，不过都系唔热同埋有几旧唔系好熟。小炒王，韭菜老到要吐返出嚟，虾干直情咬唔开。大鱼头煲，都系唔系好热，不过味道几好。啫啫芥兰煲，呢个最热，不过都系有啲咸。最后听到炖汤好足料，所以叫咗一个试吓，好好饮。最后埋单嘅时候，我拎咗张单出去叫唔该，个收银既女仔冇望过我继续玩电话，我静侯后睇佢几时玩完帮我埋单，点知佢好似冇谂住要埋单咁，所以我都再讲多次唔该。啲野食希望可以整返热啲先出比客啦仲有因为坐系出餐隔离张卡位，见到楼面个员工执返起跌左落枱到条菜落碟𩠌到。唔好咁咸啦，因为唔系个个人都饮酒疑似老细个个人唔好咁大声讲粗口啦，其实都几反感。反而要赞一赞个后生男仔，态度好好。