葵涌百得阿姨

营业中

休息中

同女友黎葵广行街，女友话肚饿要食野，咁就同佢行下有边。经过百德，女友话想食车仔面，我冇所谓，就坐低点餐。下午三点左右，唔知系唔系tea time, 定系武 汉 肺炎影响，叫一面三𩠌可以送杯野饮（只限加6蚊既，加9蚊唔包）女友点左米线加牛腩，腐竹，萝卜，我就粗面加鱼蛋午餐肉。2个黎左就捞埋一齐食。先讲面底，米线好硬，唔岩口味，粗面还可以。萝卜有汁冇渣，但咬落去，入面竟然系冻既，而且有阵苦苦地既味，真系o左咀，午餐肉味道ok, 不过太易散，辣鱼蛋算好，够入味，但系都唔多弹牙，牛腩都ok，不过又系唔够淋。最大问题系，车仔面竟然冇汤选，得大中小辣比你选，咖哩，沙爹，腩汁呢啲竟然冇。楼上同铺冇车仔面卖，但系都有咖哩面，点解下面呢间车仔面会冇呢？女友食左一半左右已经食唔落（付图），下次再黎行，应该会剔除呢间铺。