Amitie Kitchen

营业中

休息中

今晚同朋友拣左黎呢间西餐厅食晚餐，结果样样食物都好出色，最后「满肚而归」！我地要左一个晚市套餐，再散叫加拿大海胆松叶蟹膏蟹肉忌廉汁意大利面、脆炸番薯条同跟餐加$50要个朱古力香蕉金宝。首先送上餐包，有3款，左下角个种最好食，暖暖的又松软。套餐包餐汤，今日系蘑菇忌廉汤，味道浓郁，好好饮。前菜拣左烟三文鱼菠菜仔沙律伴柠檬水瓜豆油醋汁，个汁酸酸甜甜，菠菜新鲜，好易入口。脆炸番薯条叫黎配汉堡既，个酱甜甜地，同番薯条都夹，不过本身番薯条都够甜架。香煎意大利烟肉、大啡菇芝士牛肉汉堡劲厚，劲多层，我本身唔太好烟肉都觉得旧烟肉好食又厚身，唔觉得肥腻。汉堡扒好有肉味，肉汁不断流出来，系出色既汉堡。加拿大海胆松叶蟹膏蟹肉忌廉汁意大利面忌廉汁好浓味，可以均匀挂系意粉到，加上海胆蟹膏蟹肉，食到唔停口。当然唔少得甜品啦。朱古力香蕉金宝即叫即焗，上碟劲热，上面有忌廉，入面有香蕉粒同朱古力酱，几特别。最后饮埋套餐杯热柠茶就满足甘离开啦。