海鱻城

营业中

休息中

由于疫情关系，多咗喺屋企食同买外卖。你间酒楼开咗有年纪，但系因为之前系另一间连锁式酒楼，我哋食过一次怕怕，之后冇再嚟过。估唔到原来开咗一间高质美味嘅海鲜城。第一次嚟海鱻城买外卖嘅时候，我觉得经理好面熟，但系唔记得系边度见过，后来醒起原来喺以前喺西贡乘机做嘅，早几年每个星期六去西贡都会去胜记食午饭，等仔女附近学画画。同经理倾完先知道原来呢间酒楼系佢哋过嚟呢边开嘅，咁我哋就有口福啦。由于疫情关系，外卖菜式每一款都只买$60，大大盒仲可以走味精，我哋一个星期起码有两三晚嚟呢度买外卖。中秋节同屋企人嚟呢度堂食，四人一台，我哋要分开坐。原本谂住叫套餐，但系因为两个小朋友话唔想食，于是乎我哋就叫咗三宝，有鲍鱼、烧鹅同龙虾伊面，再加个鸡汤翅煲，10分满足嘅一个晚饭。个鸡汤翅真系冇得顶，鸡汤味浓郁顺滑，翅份量十足，食完饱咗一半。龙虾伊面系小朋友最爱，烧鹅香脆肉味浓。