香葉灣 (太和廣場)

营业中

休息中

因为佢隔离间名牌茶餐厅装修所以迫于无奈唯有一试佢个早餐 ，叫咗个最普通嘅沙爹牛肉煎蛋公仔面牛肉，你都见到好似有D啡啡哋色但出奇地完全冇味唔知想点， 通常啲咁嘅街坊茶餐厅只会太咸， 但呢间餐厅为咗大家健康著想似乎一啲盐都冇落过 ，成碗嘢食完好似冇食过咁样。 冇嚟闻味唔知想点环境绝对会影响食嘢味道 ，一入到去，成间嘢非常闷热 ，你唔好讲畀我听你想环保啲唔开冷气，只系得几把吊扇喺度转转下 ，你令到啲食客坐得唔舒服坦白讲我绝对唔会再去 ，今次只系迫于无奈你隔离间名牌茶餐厅装修紧所以先逼住去你度…… 老老实实你连杯咖啡都普通到不得了，完全唔系水吧师傅冲出嚟𠮶啲水准衰过屋企工人冲雀巢咖啡。 唯一可以赞嘅只系你价钱平 ，其实你个舖位喺正当眼地方 ，你绝对可以做得好啲多啲生意，唔该你自己检讨下。