一寿司 (已結業)

今日同朋友学画前去食寿司，拣咗呢间嘅原因系环境好，同埋唔多人，入到去，坐寿司吧台，赏心悦目嘅大鱼缸就在背后，回转带上寿司款式实在太多，所以自行order，我哋点左三文鱼子手卷，海胆加蟹籽军舰，但居然冇海胆，真系大失所望，手卷嘅紫菜林咗，食到扯紫菜，真系肉鬼酸呀。其他食咗三文鱼刺生(三文鱼好肥，好味)、三文鱼寿司、蟹柳寿司、鲭鱼寿司、生虾寿司、红𫠒鱼寿司、吞拿鱼寿司，虽然全部人手握饭，但鱼味不足，味道麻麻。服务方面，个个员工好似未训醒咁，其实只是下午1:00啫，唔通真系越夜越精神？7碟寿司、2碟手卷加三文鱼刺生，合共$203