孖啡 (已結業)

大佬话睇到孖啡食评唔错，星期六早上经OPENRICE订位，餐牌主菜有5折优惠，好似好抵好吸引。当日订位2:30，2:15分到达，门口狭窄，成棚人喺度等安排入座。大概10分钟就安排咗坐喺梳化窗口位。经询问后5折优惠只适用于指定主菜，仲一定要ORDER一杯正价饮品先可享有优惠，好取巧，形同虚设。所以我哋都系选择咗LUNCH SET。黑松露野菌意大利饭 - 黑松露味唔突出，野菌都冇咩发现。汁系相当多同浓嘅忌廉味，饭面有好少量嘅芝士碎，仲有半粒格格不入嘅车厘茄。饭质偏淋烂，完全冇意大利饭应有嘅口感，而且入口感觉过稠，好似食紧忌廉捞饭。龙虾汁海鲜天使面 – 个龙虾汁似汤多啲，味道尚算有标准龙虾汤嘅味道，不过就好稀，好似食紧汤意粉多啲。天使面煮得啱啱好，食落爽口有少少弹牙。𩠌方面有青口同虾仁各两件、4至5件鱿鱼圈同少量罐头蘑菇片。海鲜冇咩特别嘅急冻货。龙虾汤 (加$25) – 其实同龙虾汁海鲜天使面个所谓龙虾汁系同一样嘢，只不过落咗啲忌廉，饮落质感会比较竭身，味道系一模一样。饮品要咗杯冻斋啡，味道颇淡。另加唔知几钱叫咗杯 ，反而呢个有啲意外惊喜，虽然知道唔系新鲜水果打成，但系饮落清爽荔枝同菠萝味，