SUKIYA すき家 (金龍中心)

营业中

休息中

一心谂住食Sukiya 见到唔使排队所以食，但冇谂过呢间SUKIYA嘅质素系非常之恶劣。今次叫咗两样嘢。温泉蛋炙烧豚肉蚬肉味噌汤沙律套餐 $65一嚟到就见到啲豚肉根本同张图劲大出入，然后见到啲豚肉就好似平时阿妈将啲生嘅猪肉加豉油豆粉腌制嘅感觉，好似未熟咁，根本就唔系只烧，系就咁煮两下落啲汁就算，最有问题嘅系啲𩠌同饭同埋汤都系冻。咖喱牛肉饭$48咖喱算正常，牛肉都系好薄，但一定唔系日本个啲质素，但都系冻嘅。如果你真系好想食Sukiya，建议唔好嚟尖沙咀呢一间，之前喺黄埔旺角食都算正常，但呢一间人手已经唔够，所以啲店员同客嘅沟通都一定有咁上吓，唔好期望会有好嘅对答。