小王牛肉麵 (已結業)

呢间牛肉面集团有几间舖，呢间喺呢个商场都开左一段时间。呢间分店门面都算几明亮整洁。行过见倒个下午茶牌，同个老友入去试吓。店内装修都算几优雅，有少量卡位，其余系散座。睇吓d餐纸，结果都系叫左两个下午茶套餐同一碟小食。自己要用笔划落张过胶纸上面，都算环保嘅，但感觉上就cheap左d啰。呢碗半筋半肉面都ok喇，筋同肉都唔算靱，亦有添加d菜，都算健康嘅，调味亦ok，唔会偏咸。呢碗蚵仔面线细就细碗d，但食材都足嘅，蚵仔都泡制得唔错，汤就稍为稀左d，浓番d就会更似台式制作。呢碟卤水拼盘有鸡蛋、猪大肠同猪耳。蛋都入味嘅，大肠都泡制得几清，猪耳都几爽。呢杯金桔鲜柠绿茶一般般喇。荔枝玉露都有少少荔枝肉，甜度都合适嘅。 总括而言，该店出品不过不失，冇惊喜，亦冇失望。