影片
更多
2009-05-03
133 浏览
约埋同事，去了西苑食黄油蟹，拣咗太古城呢间。之前食咗鸿星嘅黄油蟹，已经失望而回，希望今餐可以令我对现时嘅黄油蟹重拾信心啦。我地叫咗"黄油蟹、鲍鱼、鱼翅餐"，包括六道主菜、加两个甜品。1. 黄油蟹粉小笼包 - 入面系肯定有蟹粉嘅，唔知系咪份量唔多呢，好似感觉唔到蟹膏味咁，一啲都唔香，好在皮都唔算厚，但系已经冇咗原意。2. 驰名大哥义烧 - 唔知系咪唔记得提醒伙记要半肥瘦义烧，竟然有一部份系全瘦嘅义烧，真难顶，唔通唔记得讲就比啲咁嘅质素我地，定系想我地食健康啲至比呢啲我地吃，呢碟义烧就铜锣湾嘅西苑水准好过呢间了。3. 红烧菜胆鲍翅 - 同你去饮宴食嘅冇咩分别，普通货式，不值一提。4. 原只鲜吉品鲍鱼 - 算唔错，口感一流，味道够浓。5. 清蒸黄油蟹 - 真系几重，应该有菜单上写嘅十两重，但系我地六只入面，只有一只算系出油，其他嘅比我睇就真系失望。6. 生煎海班扒 - 都唔知呢味系咩嚟嘅，好似啲雪鱼扒咁，边会有粤菜做啲咁嘅𩠌比人食架，啲鱼一睇咁整法一定系唔新鲜啦......不提也罢。7. 杞圆菊花糕 - 做得个质地几好，几特别。8. 蛋白杏仁茶 - 虽然杏仁味充足，但系入面一粒粒、一啲都唔滑
我地叫咗"黄油蟹、鲍鱼、鱼翅餐"，包括六道主菜、加两个甜品。
1. 黄油蟹粉小笼包 - 入面系肯定有蟹粉嘅，唔知系咪份量唔多呢，好似感觉唔到蟹膏味咁，一啲都唔香，好在皮都唔算厚，但系已经冇咗原意。
2. 驰名大哥义烧 - 唔知系咪唔记得提醒伙记要半肥瘦义烧，竟然有一部份系全瘦嘅义烧，真难顶，唔通唔记得讲就比啲咁嘅质素我地，定系想我地食健康啲至比呢啲我地吃，呢碟义烧就铜锣湾嘅西苑水准好过呢间了。
3. 红烧菜胆鲍翅 - 同你去饮宴食嘅冇咩分别，普通货式，不值一提。
4. 原只鲜吉品鲍鱼 - 算唔错，口感一流，味道够浓。
5. 清蒸黄油蟹 - 真系几重，应该有菜单上写嘅十两重，但系我地六只入面，只有一只算系出油，其他嘅比我睇就真系失望。
6. 生煎海班扒 - 都唔知呢味系咩嚟嘅，好似啲雪鱼扒咁，边会有粤菜做啲咁嘅𩠌比人食架，啲鱼一睇咁整法一定系唔新鲜啦......不提也罢。
7. 杞圆菊花糕 - 做得个质地几好，几特别。
8. 蛋白杏仁茶 - 虽然杏仁味充足，但系入面一粒粒、一啲都唔滑，质素低劣。
9. 生菓盘 - 几好，一般货色，切得齐整，摆放得宜。
Comments : 如果以黄油蟹为重点，一定失望，好似我咁。但系以粤菜而论，整体水准仍属中等偏好少少。
张贴
