影片
更多
2008-08-24
30 浏览
好短时间之内又再嚟呢度~因之前觉得几好味, 又应承男友要戴佢嚟试吓, 点知俾个9号风阻住咗, 幸得男友安排到放假, 冒住星期六人多嚟睇吓有冇位...去到时已2点半, 果然真系好多人, 要攞筹, 不过好多人走咗, 所以实质等咗3、4张就到我地入到去原来要3点先有tea set, 不过见lunch set有样都啱食, 就落住一个order先男友叫咗1)烧鸭胸黑椒汁饭配沙律同汤, +$10连普通饮品沙律同汤------生菜底面有几条萝卜丝仲有"dd"芝麻汁, 略嫌芝麻汁手紧d, 而沙律配料又过份齌, 汤系忌廉汤, 试咗一啖, 味道都几好, 好滑, 唔系开粉, 入面有咩材料就唔知, 因冇问...一个茶杯仔得几啖烧鸭胸黑椒汁饭-----依旧碟就大大只, 中间"cup"咗个饭系度, 朋友话系日本米嚟, 有2件鸭胸肉, 朋友俾咗啖我试, 见佢切时好似好焾好软咁, 令我谂起阿妈煲汤时d猪展肉, 当然食落真系好焾, 配埋个日式黑椒汁同烟韧珍珠米唔错, 日式黑椒汁同咖哩一样, 都唔系话辣味个种, 少少带甜, 以香味取胜, 如要挑剔既话, 就系份量较少, 男仕未必够饱, 哎呀...挂住倾唔记得影番张相添男友
去到时已2点半, 果然真系好多人, 要攞筹, 不过好多人走咗, 所以实质等咗3、4张就到我地
入到去原来要3点先有tea set, 不过见lunch set有样都啱食, 就落住一个order先
男友叫咗1)烧鸭胸黑椒汁饭配沙律同汤, +$10连普通饮品
沙律同汤------生菜底面有几条萝卜丝仲有"dd"芝麻汁, 略嫌芝麻汁手紧d, 而沙律配料又过份齌, 汤系忌廉汤, 试咗一啖, 味道都几好, 好滑, 唔系开粉, 入面有咩材料就唔知, 因冇问...一个茶杯仔得几啖
烧鸭胸黑椒汁饭-----依旧碟就大大只, 中间"cup"咗个饭系度, 朋友话系日本米嚟, 有2件鸭胸肉, 朋友俾咗啖我试, 见佢切时好似好焾好软咁, 令我谂起阿妈煲汤时d猪展肉, 当然食落真系好焾, 配埋个日式黑椒汁同烟韧珍珠米唔错, 日式黑椒汁同咖哩一样, 都唔系话辣味个种, 少少带甜, 以香味取胜, 如要挑剔既话, 就系份量较少, 男仕未必够饱, 哎呀...挂住倾唔记得影番张相添
男友食紧途中已到咗3点, 等佢地好耐先俾到个餐牌我, 见同上一次都系同一个MENU, 冇咩吸引, 就散叫咗个蕃茄海鲜意粉, 因见到有我中意既蕃茄酱同蚬系度, 中间又等咗好耐, 男友食完, 仲吹咗几次柸iced coffee都嚟埋, 我都仲未有得食, 心知佢应该漏单, 好肯定咁同佢讲"你地漏咗我张单"后, 几分钟后终于有得食
蕃茄海鲜意粉-----今次好似冇上次咁, 多意粉依旧弹牙, 材料有鱿鱼、虾、蚬、带子, 蕃茄酱鲜制, 味道清新, 唔死酸或死甜, 鱿鱼烟韧, 虾几爽仲有少少虾味, 带子细细粒, 一般d, 而蚬就几好味, 不过得4、5只少d, 入面有一两粒砂。自己中意加d芝士粉一齐食, 仲以为今次会食唔晒, 叫男友帮我包底, 点知一路倾一路讲就成碟食晒, 因为真系好好味, 又可能佢冇白汁咁漏有关
系我食紧中途男友知我想叫甜品所以已经叫定个迷你绿茶芭菲(唔肯定个名), 惊又要等,
迷你绿茶芭菲------睇menu个阵仲以为面系绿茶软雪糕, 原来绿茶cream嚟嘅, 有2片橘子片, 酸酸苦苦一粒栗子好甜好味, 2粒白圆子和2粒绿茶圆子, 中间有个云呢拿雪糕球, 面最下层系绿茶+寒天, cream软滑, 如果系冻仲好, 雪糕球唔知系咪自家制, 唔算滑,一般啦, 底部寒天同绿茶系冇咩甜味, 都系靠上面d雪糕带落去, 觉得唔够甜, 之后自己+咗男友冲剩咖啡嘅牛奶同糖水落去, 觉得好味d, 同麻布茶房食法一样, 不过觉得麻布好食好多, 都系试过就算
整体味道系好嘅, 虽然服务方面真系唔系咁好, 某d食物份量亦有待改善, 但见朋友成碟连汁都捞埋又冇理由唔俾个笑佢嘅!
张贴
