影片
更多
2024-01-21
31 浏览
自从上次食完铜锣湾𠮶间之后，知道佢有分店，试吓佢啲质素保唔保持到。当然都系因为食完铜锣湾觉得都几高质之后先再帮衬啦。依稀记得佢哋个餐牌都系一样嘅，我哋两个人食都嗌咗几多，地方坐得舒服，自然会想饮吓嘢再食吓嘢留耐啲。海葡萄海藻青瓜沙律($58): 海葡萄数量系铺满成个沙律嘅，沙律俾我想像中有少少细，不过加埋特制嘅醋汁感觉都几开胃，除咗海藻之外，仲有少少青瓜丝去垫底嘅，而且见到咁多海葡萄都抵番啦。半熟秘酱三文鱼丼($128): 上菜嘅时候好靓，仲有一碟仔芝麻去半碟， 待应叫我哋盅碎啲芝麻先，再洒上面食。三文鱼份量好多好多，而且上枱嘅时候闻到好香嘅烧烤味，真系令人食欲大增。要一赞嘅系三文鱼好肥美，成个口充满着鱼油，其实唔需要落任何调味料都已经好好食啦。浓汤蕃茄咖喱牛肉乌冬($78): 上菜热辣辣，已经令食物可以好味一倍。蕃茄嘅份量应该有成个新鲜蕃茄摆咗喺乌冬入边，乌冬方面就正正常常，都滑嘅，汤底番茄同咖喱嘅平衡做得好好，大家唔会抢咗大家嘅味道，我谂我会为咗呢一碗乌冬再次帮衬。麦粒味噌黑豚肉薄饼($118): 卖相其实同上次试过嘅明太子什菌地鸡薄饼差唔多，味道方面都几好，但就唔会有太多特别记得
海葡萄海藻青瓜沙律($58): 海葡萄数量系铺满成个沙律嘅，沙律俾我想像中有少少细，不过加埋特制嘅醋汁感觉都几开胃，除咗海藻之外，仲有少少青瓜丝去垫底嘅，而且见到咁多海葡萄都抵番啦。
半熟秘酱三文鱼丼($128): 上菜嘅时候好靓，仲有一碟仔芝麻去半碟， 待应叫我哋盅碎啲芝麻先，再洒上面食。三文鱼份量好多好多，而且上枱嘅时候闻到好香嘅烧烤味，真系令人食欲大增。要一赞嘅系三文鱼好肥美，成个口充满着鱼油，其实唔需要落任何调味料都已经好好食啦。
浓汤蕃茄咖喱牛肉乌冬($78): 上菜热辣辣，已经令食物可以好味一倍。蕃茄嘅份量应该有成个新鲜蕃茄摆咗喺乌冬入边，乌冬方面就正正常常，都滑嘅，汤底番茄同咖喱嘅平衡做得好好，大家唔会抢咗大家嘅味道，我谂我会为咗呢一碗乌冬再次帮衬。
麦粒味噌黑豚肉薄饼($118): 卖相其实同上次试过嘅明太子什菌地鸡薄饼差唔多，味道方面都几好，但就唔会有太多特别记得嘅地方。同埋佢有京葱，所以我自己唔系太钟意，朋友系京葱fans所以佢话好夹。同样薄饼够脆，口感十足。
烧鳕鱼干($38): 叫呢一个纯粹系朋友要饮啤酒，叫呢一个送酒最好不过，烧得够脆，而且份量好多好满意。
脆香辣三文鱼卷($48): 记得呢个上次都几好食，所以encore。
今次试咗黑板上面嘅两样嘢:
蜜糖芥末章鱼烧($32): 有少少失望嘅，粉浆多不特止，仲要唔系太食到有章鱼，不过我钟意佢外皮整得好脆，唔会好似出边𠮶啲好林好湿。
明太子紫菜天妇罗: 又系平时喺居酒屋唔会太常，叫到几多道菜。即叫即整就固然啦，都欣赏佢紫菜系够趣嘅，而且明太子都中规中矩，不过呢啲真系佐酒小食，如果就咁食嘅真系会太咸，不过我哋有梳打水同埋啤酒就啱啱好。
饮品叫咗啤酒同埋柚子梳打。
总结：两间分店都不相伯仲，都系高质嘅，用到嘅刺身好新鲜，而且对食材嘅品质监控都做得好好，好似每一次食都会有少少惊喜位咁样，而且都见到有大班朋友嚟食，相信人气都不少。
张贴
