蟹仙海鮮蒸氣石碢

营业中

休息中

再次到访另一间蟹仙呢间既蒸海鲜的确有一定水准保证。拣左南非红宝石孔雀鲍鱼二人套餐一共十三款食物既套餐，有齐晒各种海鲜，龙虾鲍鱼蟹虾生蚝元贝甲壳类。店家会安排由淡至浓食起，亦唔需要额外既调味，完全食到食材本身鲜味。加拿大野生虎虾肉质弹牙，虾头有好香虾膏味，但略嫌细只。韩国釜山鳗鱼，肉质厚实，店员提议点wasabi 豉油，几有新鲜感。孔雀鲍鱼系三头，手掌咁大，鲍鱼切片上，唔需要调味都食到甜味。野生膏仔蟹，如果当日好彩既，仲会有机会食到绿膏蟹。而膏仔蟹蟹膏非常多，蟹肉亦鲜美，岩晒钟意食蟹既朋友。三款唔同既甲壳类，青口，刀贝蚌，蟹黄大元贝，每样都食得出新鲜甜味。之后将全部海鲜既精华煮成粥底，鲜味十足。餐厅整体服务友善，唔需要自己郁手处理。海鲜整体发挥到水准。