紅米 (已結業)

之前喺长沙湾返工间唔中都会黎食晏，午饭时间都几多人等位不过胜在唔需要等好耐，而且唔系一大班人黎食话，通常10分钟有得入。今日番新工咁岩经过，当回味一下，去番之前成日去既一间餐厅。同以前无咩分别，唯一分别系自己一个午餐而唔系同成班同事一齐黎。个人比较钟意食焗饭，叫左个白汁原条龙脷柳焗饭。原条龙脷柳配上好Creamy 既白汁淋系上面，加埋微微烧焦既芝士。闻到都已经大开食欲。食得出龙脷柳是新鲜炸起，个皮好脆，足足有成个饭咁长。白汁略为欠点味道，比较清淡，可以改善一下，但一啖龙脷柳，一啖饭又岩岩好。lunch 40蚊有找 仲包热饮一杯，宜家好多茶记都买少见少，确系难得。如果新公司附近都有的话，必定可以储多个钱。