有口福 (已搬遷) 新店位置

之前去过九龙城有口福食饭，觉得唔错，所以决定同屋企人黎食饭。屋企人都话位置好方便，好容易揾到。我哋六点去到，唔系太多人好快就坐低左。有好多火锅配料。首先点左个天地1号陈醋，酸酸地好开胃。我首先出场嘅系诸葛烤活鱼，屋企人唔食得辣所以选择咗香酱，烤鲩鱼虽然得半条，但系都分量十足，入边有大量牙菜同鲜腐皮，而且鱼肉结实鲜甜。顶级手切肥牛，脂肪分布平均，肥瘦适中，而且肉质嫩滑。安格斯肥牛粒，脂肪雪花状，入口即溶，肉嫩多汁。手打墨鱼滑，肉质爽口弹牙，鲜味十足。黄金鱼腐，表皮呈金黄色，咬落非常弹牙。油麦菜新鲜翠绿，莴笋片味道最特别，薯仔片好粉。响铃香脆好有豆香味，而且唔肥腻。红薯粉晶凝通透，放落汤度吸收左汤嘅精华，味道一流。