影片
更多
2008-12-07
57 浏览
** 此 食 肆 的 第 四 十 五 个 OK **寻晚(6-12-2008Sat)同男友去红磡揾朋友后,男友话o黎呢o度行吓,又揾戏睇,决定o左睇戏就揾o野食,我未食过咏藜园,于是走o黎.o黎到,知客话如果搭枱o既即刻有位,唔使等,我o地见时间差唔多,咁好啦.我o地坐o系一张大枱,之后都只系先后多两个同三个客人坐埋一张枱,所以都唔迫.我同男友叫o左:1.担担面(不辣)好明显呢个系就唔食得辣o既我,o黎到,又系好大呀……个碗.深啡色o既汤,冇咩花生酱味,唔知呢啲系咪叫做正宗四川担担面呢?面身唔太腍,都有佢本身o既味,但要用心至留意到.2.夫妻肺片睇个样好辣呀!男友先试,佢话真系好辣,系入到喉咙辣,叫我撇走啲酱至食.啊,知道.我撇走啲酱o黎食,就接受到佢o既辣度.但呢碟夫妻肺片,爽口o既肺片就得三,四件,牛(月展)就好多,但食唔出牛味,而重有好多大豆芽菜垫底.又有透明o既薄片,食落烟烟韧韧咁,几得意,应该系拉粉.3.青菜豆腐汤好大窝,青菜系白菜,汤o既味道好清甜,冇落味精,豆腐都几多,我o地饮唔晒.4.狮子头(一位用)狮子头几大个,猪肉好松,一夹即可以一开二,味道一般,汤好浓.5.淮山茯
寻晚(6-12-2008Sat)同男友去红磡揾朋友后,男友话o黎呢o度行吓,又揾戏睇,决定o左睇戏就揾o野食,我未食过咏藜园,于是走o黎.
o黎到,知客话如果搭枱o既即刻有位,唔使等,我o地见时间差唔多,咁好啦.
我o地坐o系一张大枱,之后都只系先后多两个同三个客人坐埋一张枱,所以都唔迫.
我同男友叫o左:
1.担担面(不辣)
好明显呢个系就唔食得辣o既我,o黎到,又系好大呀……个碗.深啡色o既汤,冇咩花生酱味,唔知呢啲系咪叫做正宗四川担担面呢?面身唔太腍,都有佢本身o既味,但要用心至留意到.
2.夫妻肺片
睇个样好辣呀!男友先试,佢话真系好辣,系入到喉咙辣,叫我撇走啲酱至食.啊,知道.我撇走啲酱o黎食,就接受到佢o既辣度.但呢碟夫妻肺片,爽口o既肺片就得三,四件,牛(月展)就好多,但食唔出牛味,而重有好多大豆芽菜垫底.又有透明o既薄片,食落烟烟韧韧咁,几得意,应该系拉粉.
3.青菜豆腐汤
好大窝,青菜系白菜,汤o既味道好清甜,冇落味精,豆腐都几多,我o地饮唔晒.
4.狮子头(一位用)
狮子头几大个,猪肉好松,一夹即可以一开二,味道一般,汤好浓.
5.淮山茯苓包(一客三个)
男友好奇之下叫o既,佢搣开呢个(相中)皮厚馅少,但另外两个又唔系,都唔均匀o既.食落,淮山本物身味道唔系咁重,亦食唔出茯苓味道,不过男友唔钟意干争争o既包,觉得口感唔系咁好.
呢o度一坐低就畀两碟前菜,一个系酸菜,一个系鱼皮花生.鱼皮花生好脆,好味.
环境:
都几阔落舒适.
服务:
剔o左纸仔交畀佢o地时,会即时同客人核对点o左咩o野,以防出错,几好.
冇乜问题,几快手.
埋单$191.00
张贴
