九份飽 (屯門時代廣場南翼)

营业中

休息中

没有堂食晚市，如何度过漫漫一周，好彩仲有外卖，去回味从前昔日嘅味道。再次嚟到九份饱，为嘅系红烧牛肉刀削面。外卖水准依旧，赞。汤底依然好浓郁，好重牛味。喺屋企食嘅好处系可以额外焯好多生菜，跟住浸落汤底度，吸晒啲牛脂精华。牛腩都系三大件，肥瘦适中。香酥排骨刀削面用嘅汤底系猪骨汤，饮落较清，好似妈咪食得清淡嘅人比较钟意。香酥排骨重五香粉，十分香口。香酥鸡扒鲁肉饭亦值得再食。个人钟意炸鸡扒多个炸排骨，因为鸡扒比较厚身，容易保留肉汁。鲁肉三分一脂肪，三份二肉质，鲁肉当然要邪恶先好味。小食方面叫咗玉米起司蛋饼。比起上次肉松起司，更钟意玉米呢个组合。玉米带天然微甜，比起肉松芝士全咸食，味道更适合我。蛋饼少少烟烟靭靭，加埋玉米口感更佳。加$10就有饮品，点左荔枝绿茶同埋荔枝凤梨。希望快啲有返晚市，可以再去堂食，食埋一边怀旧台湾装修。