Beer & Fish (已結業)

其实之前已经试过中环店嘅Beer & Fish，仲记得佢个大大只炸广岛蚝一试难忘，而今次上完堂见到原来大埔都有分店当然要试下佢啲嘢食同手工啤酒啦！Beer & Fish大埔店，环境都唔错如果夜晚同朋友摸下酒杯底真系好正。餐牌有多款手工啤选择，可以拣200ml/400ml/2lif，而店员都好有耐性解答不同手工啤嘅口味。点完餐之后，店员就好快手送上炸鱼皮，而个做送酒小食都唔错。炸新鲜洋葱圈必食推介，我唔系浮夸但佢真系好好味，因为佢真系用新鲜洋葱即炸，你食落去真伙会有洋葱嘅甜味而且仲有好多洋葱汁，而佢个炸浆加入咗啤酒，所以食起会外脆内爽甜。第一次食到呢个咁好味嘅洋葱圈。即系炸广岛蚝广岛蚝肉质肥美非常大只，而且炸出嚟唔会干身亦唔会缩水果然真材实料，每一口都可以啖啖肉真系食唔停口，最紧要就系佢个黑啤炸浆，令食出嚟有丁麦味唔会太腻。Sucker Punch 手工啤酒比较易入口嘅手工啤酒，有热带水果、菠萝、柑橘香味，如果想饮只比较青新嘅手工啤呢个系唔错选择。整体呢间餐厅除咗有好多款手工啤选择之外，其实佢嘅食物都好有水准。