譽居

营业中

休息中

呢过誉居几次，但都冇写过食评。今次的起心肝写返篇先。放工后同朋友嚟食个晚饭，由于唔系太肚饿，所以叫咗两𩠌一饭。头抽豉油鸡饭油鸡鸡肉都算嫩滑，但可惜冇乜鸡味，应该唔系用新鲜嘅三黄鸡。豉油味味道普通，香味不足，落多啲绍兴酒可能会好啲。白灼爽脆鲜腰肝朋友钟意食猪腰猪肝，所以叫咗一碟白灼。猪肝几滑嫩，猪腰则爽脆，味道唔错。梅菜蒸鱼腩我同朋友都钟意食蒸鱼，所以叫咗个梅菜蒸鲩鱼。呢碟菜嘅神髓应该系梅菜，但呢度啲梅菜味道偏咸，可能清洗浸得唔够。食鲩鱼要小心啲，因为多骨，我朋友就唔小心食咗一小条骨落肚😱，好彩冇乜事😅。