丹麥餅店

营业中

休息中

今日早上系铜锣湾跑完步之后有啲肚饿，所以就帮衬丹麦饼店，不过我今次就试下佢个芝士汉堡包。其实我原本系想试下个猪扒包的，不过见到我前面𠮶个人食紧而成个包都系油的情况下令我却步，选择左睇落冇咁油的芝士汉堡包。我自己就觉得个包冇上次的鱼柳包咁好食，但其实都唔错的。同鱼柳包一样，汉堡包都系即叫即做，所以热辣辣，而且汉堡好大件、又厚，系抵食的。个汉堡扒牛肉味非常浓，我有问过店员，佢哋话个汉堡扒系自己手打出来的，所以食落比出面食到的有口感，每啖食落都唔同。