餃掂手工餃子雲吞專門店

自从食过佢哋铜锣湾分店，谂起饺子都有佢哋份，今日经过上围见到有再去食过，见到其实佢都有啲新嘢系未试过嘅。寿喜烧牛肉煎饺($58): 可能因为寿喜烧嘅字太吸引，但系食落去其实食唔到我自己谂住寿喜烧嘅味道，就系甜甜地嘅牛肉味，反而觉得似就咁普通嘅搞，唔算太惊喜。龙凤松茸双煎饺($98): 呢个上次都食过嘅，但系就记得好似黑松露嘅味道比较突出，但系今次白松露都几抢味，不过今次嘅摆盆就食到最后先知道边一啲系黑松露边一啲系白松露饺。四川凉面($31): 呢个反而有惊喜，成个感觉好消暑，而且碟底嘅酱油唔会好抢味，加少少麻酱嘅话夏天食就一流啦！ 日本龙凤蛋一只($18): 本身都有犹豫过嗌唔嗌，因为好似纯粹系糖心蛋加黑松露或者白松露酱，但系都试咗一只。竟然出奇地好食，除咗糖心蛋做得出色之外，原来佢仲系好似澛咗一排嘅蛋，所以蛋本身已经好入味，加上黑松露白松露酱成件事好新鲜！ 饮品方便好似上次咁都系嗌咗山楂雪梨水同埋柠檬薏米水($20@)。总结：呢一间嘅饺子其实都真系食得过，真系做到皮薄馅靓，而且除咗饺子之余佢嘅配菜或者小食都做得几好，绝对会再嚟过！