影片
更多
2022-05-26
288 浏览
星期日都要返工，唯一可以做嘅就系放工食好少少，对自己好啲🥺。我同朋友去咗赫德道揾吓有乜好食，街尾转角间「Opa Mediterranean Bar and Bistro」好似唔错，就一于试吓。呢度系酒吧餐厅🍸，灯光色调偏昏暗，唔会太嘈吵，感觉几写意。本身八点入座都唔算好多人，但愈夜愈旺场啊！餐厅主打西餐🍽，不过同时亦注入地中海元素，令菜式种类更多元化。佢周末都有提供晚市套餐Dinner Set，定价为$688/二人，老实讲唔平，但都算几多嘢食。意式酥炸鱿鱼圈Caramari Frito，🦑鱿鱼炸得好香口，佐酒一流，而且份量颇多的。鱿鱼嘅酥炸外层脆而不腻，肉质爽口，沾埋他他酱食好正。无花果吞拿鱼切片Tuna Tiradito with Fig，🐟呑拿鱼片用上刺身级别，厚切之余，边围仲经炙烧过。以无花果调味带来甜香，但亦有少少辣味。土耳其鹰嘴豆泥Turkish Hummus，🫓鹰嘴豆系中东菜必备嘅食材，豆泥口感绵绵的，并带点独特嘅香料味。附送嘅彼得包烟烟韧韧，夹豆泥食好啱Key，但得两块唔系好够喉。地中海烤羊架配希腊乳酪青瓜酱Grilled N.Z Lamb Rack, Tzatziki
星期日都要返工，唯一可以做嘅就系放工食好少少，对自己好啲🥺。我同朋友去咗赫德道揾吓有乜好食，街尾转角间「Opa Mediterranean Bar and Bistro」好似唔错，就一于试吓。
呢度系酒吧餐厅🍸，灯光色调偏昏暗，唔会太嘈吵，感觉几写意。本身八点入座都唔算好多人，但愈夜愈旺场啊！
餐厅主打西餐🍽，不过同时亦注入地中海元素，令菜式种类更多元化。佢周末都有提供晚市套餐Dinner Set，定价为$688/二人，老实讲唔平，但都算几多嘢食。
Caramari Frito
8 浏览
0 赞好
0 留言
Tuna Tiradito with Fig
7 浏览
0 赞好
0 留言
Hummus
7 浏览
0 赞好
0 留言
地中海烤羊架配希腊乳酪青瓜酱Grilled N.Z Lamb Rack, Tzatziki Sauce(+$25)，肉类主菜要额外加钱。🍗羊架有三件，生熟度烧得啱啱好，羊膻味适中，但就唔算好厚肉。伴旁有少量烤蔬菜同埋希腊乳酪青瓜沙律🥒，青瓜味道清新，微微酸，几开胃。
西西里柠檬海鲜扁意粉Sicily Seafood Linguine al Limone，🍝扁意粉质感富嚼劲，又挂汁。酱料唔系一般嘅忌廉汁，而系加咗柠檬🍋，所以令佢变得无咁溜。海鲜好足料，有大大只鲜虾、三文鱼柳、青口同鱿鱼等，每啖都食到𩠌。
朱古力心太软伴雪糕Chocolate Fondant w/ Ice Cream(+$38)，晚餐包甜品，我将其中一份升级为心太软🍫，感觉唔系好抵，仲贵过转食扒。不过好在味道唔错，朱古力味浓郁，中间部份亦够流心，配埋雪糕，一冷一热，刺激味蕾。
是日甜品Dessert of the Day系西班牙油炸鬼Churros🇪🇸，两条细细哋，份量点到即止。Churros渗透出肉桂香，唔太甜，亦无油膉味。
总括嚟讲，以酒吧餐厅而言，佢嘅食物绝对系水准之上，整个用餐过程亦令人满意😁。佢平日有提供午市套餐，有机会都可以嚟试吓～！
张贴
