影片
更多
2018-02-09
173 浏览
好朋友婚礼举行前夕，揾我呢位司仪出黎倾多次婚礼细节流程，佢提出想拣个地方倾到计又碞女仔倾野既地方(上次就因为有兄弟系度所以先拣韩烧，平衡到双方)。今次唔使，得两个人，佢打算揾间CAFÉ方便到大家走，又可以边食边倾无咁嘈。餐厅由友人拣，佢话上网见到呢间语命CAFÉ评分好似唔错，先达广场隔离近旺角火车站，碞晒佢食完搭番上水(朋友主要方便我，因为我就住系行路都唔使20分钟既路程就番到归，够贴心)，主人家请当然由佢拍板话事。实不相暪，平时多系商场或街铺食(2至3丁友都系来去食一餐既快闪党)，第一次上来楼上CAFÉ帮衬，感觉很新奇。入到店内，店面虽不大，但感觉幽静舒服。装潢选了冷色系营造出星座那种深冷带点神秘既感觉，天花吊住不同大小既颗星星，感觉好似细过睇既『闪电传真机--乌卒卒』摆设陈列。店面看似不大，但摆放到长长的沙发座，坐位空间挺大简洁又舒适，坐落去软绵绵，令人有种松懈感觉。张餐牌都几有趣，整到似塔罗牌咁，两个人拣左一个黑松露野菌意大利饭、香蒜虎虾炒意粉、一个小食(鸡翼配蜜糖芥末汁)同两杯餐饮(柠檬蜂蜜水+柠茶)。野食上场，先黎既香蒜虎虾炒意粉，香蒜炒得好香，一上枱已蒜香扑鼻，意粉煮既”U
餐厅由友人拣，佢话上网见到呢间语命CAFÉ评分好似唔错，先达广场隔离近旺角火车站，碞晒佢食完搭番上水(朋友主要方便我，因为我就住系行路都唔使20分钟既路程就番到归，够贴心)，主人家请当然由佢拍板话事。
实不相暪，平时多系商场或街铺食(2至3丁友都系来去食一餐既快闪党)，第一次上来楼上CAFÉ帮衬，感觉很新奇。入到店内，店面虽不大，但感觉幽静舒服。装潢选了冷色系营造出星座那种深冷带点神秘既感觉，天花吊住不同大小既颗星星，感觉好似细过睇既『闪电传真机--乌卒卒』摆设陈列。
店面看似不大，但摆放到长长的沙发座，坐位空间挺大简洁又舒适，坐落去软绵绵，令人有种松懈感觉。
张餐牌都几有趣，整到似塔罗牌咁，两个人拣左一个黑松露野菌意大利饭、香蒜虎虾炒意粉、一个小食(鸡翼配蜜糖芥末汁)同两杯餐饮(柠檬蜂蜜水+柠茶)。
香蒜虎虾炒意粉
$108
13 浏览
0 赞好
0 留言
野食上场，先黎既香蒜虎虾炒意粉，香蒜炒得好香，一上枱已蒜香扑鼻，意粉煮既”UN”度适中，唔太淋带点嚼劲，有5只虎虾，很鲜甜、牙弹，简单用蒜香炒，惹味得来又唔会盖过虎虾既鲜甜。
鸡翼配蜜糖芥末汁
$68
11 浏览
0 赞好
0 留言
仲有一个小食鸡翼配蜜糖芥末汁，食得出新鲜即炸，鸡翼有腌过，香料味道停留系皮面很香，炸的很脆且香口，因为烧鸡翼我最钟意食，所以感觉特别惹味。有个蜜糖芥末汁配的，事关我系爆酱人士，基本上每只鸡翼都搽均黎食，增加刺激味蕾。
黑松露野菌意大利饭
$118
24 浏览
0 赞好
0 留言
再来系黑松露野菌意大利饭，黑松露系我既至爱，钟意佢阵味，好勾引到重口味人士既食欲。个烩饭好香好重黑松露味，白汁香浓好CREAMY，黑松露份量亦不少，混埋落饭食，啖啖滋味而不觉腻济，好!!!
边食边倾计好舒服，环境颇清静，客人都好自觉会将声量控制到适当既音量。同朋友食同倾到咁上下，见到个柜仔有好多大富翁、波子棋…..仲有好多唔同种类既消闲玩意可以扲黎玩，好有童年回忆。
但朋友话两个人玩大富翁好无趣，要3-4个人玩先PREFECT池，我就只好作罢。细过曾经称霸『波坛』既我，最后拣左玻子棋，捉左两至三回，便埋单各自打道回府。
整体感觉良好，餐厅环境舒适，食物有水准，适合同朋友聚会聊天，赞。
张贴
